Pista: సమ్మర్‌లో పిస్తా తింటే ప్రమాదమా.? నిపుణులు ఏమంటున్నారంటే..

పిస్తా ఆరోగ్యానికి ఎంతలా మేలు చేస్తుందో ప్రత్యేకంగా చెప్పాల్సిన పనిలేదు. ఇందులో పొటాషియం, మెగ్నీషియం, ఫాస్పరస్, కాపర్, యాంటీఆక్సిడెంట్లు, ప్రొటీన్లు, విటమిన్ బి6, ఫైబర్, కాల్షియం, ఐరన్ వంటి ఎన్నో పోషకాలు ఉంటాయి. దీంతో శరీరానికి కావాల్సిన అన్ని రకాల పోషకాలు లభిస్తాయి. పిస్తపప్పు తీసుకోవడం వల్ల శరీరంలో అలసట, బలహీనత తొలగిపోతాయి.

అందుకే వైద్యులు సైతం పిస్తాను ఆహారంలో భాగం చేసుకోవాలని సూచిస్తుంటారు. అయితే అతి ఎప్పుడూ అనర్థమే అన్నట్లు పిస్తాను అధికంగా తీసుకోవడం వల్ల ఇబ్బందులు కూడా తప్పవని నిపుణులు చెబుతున్నారు. ఇంతకీ పిస్తాను తీసుకోవడం వల్ల కలిగే దుష్ప్రభావాలు ఏమైనా ఉన్నాయేమో ఇప్పుడు తెలుసుకుందాం.. పిస్తా ఆరోగ్యానికి ఎంత మేలు చేస్తుందో అదే సమయంలో కొన్ని ఇబ్బందులు ఎదురయ్యే అవకాశం ఉందని అంటున్నారు. ముఖ్యంగా సమ్మర్‌లో పిస్తా తీసుకోవడం వల్ల శరీరం వేడికి గురయ్యే అవకాశం ఉందని అంటున్నారు. పిస్తాను అధికంగా తీసుకుంటే శరీరం వేడి చేస్తుందని అంటున్నారు. అయితే మితంగా తీసుకుంటే మాత్రం ఎలాంటి సమస్య ఉండదు. ఇక మరికొందరిలో పిస్తాను అధికంగా తీసుకోవడం వల్ల ఎలర్జీ వచ్చే అవకాశాలు ఉంటాయని అంటున్నారు.

జీర్ణ సంబంధిత సమస్యలతో బాధపడే వారు కూడా పిస్తా ఎక్కువగా తీసుకోకూడదని చెబుతున్నారు. దీనివల్ల డయేరియా వంటి ఇబ్బందులు వచ్చే అవకాశం ఉంది. అలాగే కిడ్నీలో రాళ్లు ఉన్న వారు కూడా పిస్తాకు దూరంగా ఉంచడాలి. పిస్తాలో ఆక్సలేట్‌లు ఎక్కువగా ఉంటాయి. ఇవి కిడ్నీల్లో రాళ్లు ఏర్పడడానికి కారణమవుతాయి. బరువు తగ్గాలనుకునే వారు కూడా పిస్తాలు అధికంగా తీసుకోకూడదు. ఇందులోని అధిక కేలరీలు స్థూలకాయానికి దారి తీస్తుందని అంటున్నారు. ఏదైనా అనారోగ్య సమస్యల కోసం మందులు వాడుతున్న వారు కూడా పిస్తాకు దూరంగా ఉండడమే మంచిదని నిపుణులు చెబుతున్నారు. దీనివల్ల రియాక్షన్‌ అయ్యే అవకాశం ఉంటుదని అంటున్నారు. అందుకే పిస్తాకు దూరంగా ఉండాలని సూచిస్తున్నారు.

నోట్‌: పైన తెలిపిన విషయాలు కేవలం ప్రాథమిక సమాచారం మేరకు మాత్రమే. ఆరోగ్యానికి సంబంధించి వైద్యుల సూచనలు పాటించడమే ఉత్తమం.

మరిన్ని లైఫ్ స్టైల్ వార్తల కోసం క్లిక్ చేయండి..