Snakes Village: పాముల గ్రామం.. ఇక్కడ మనుషులతోనే పాములు జీవిస్తాయి.. ఆసక్తికరమైన విషయాలు
Snakes Village: ఈరోజు మహాశివరాత్రి. శివ భక్తులకు ఈ రోజు ప్రత్యేకం. మనం శివున్ని తలచుకున్న వెంటనే చేతిలో త్రిశూలం, మెడకు పాము చుట్టుకున్న చిత్రం కనిపిస్తుంటుంది. ఇక పాముల..
Snakes Village: ఈరోజు మహాశివరాత్రి. శివ భక్తులకు ఈ రోజు ప్రత్యేకం. మనం శివున్ని తలచుకున్న వెంటనే చేతిలో త్రిశూలం, మెడకు పాము చుట్టుకున్న చిత్రం కనిపిస్తుంటుంది. ఇక పాముల విషయానికొస్తే.. పాములంటే ప్రజల్లో చాలా భయం ఉంటుంది. కానీ మహారాష్ట్రలోని షోలాపూర్ జిల్లాలో షెట్పాల్ అనే గ్రామం ఉంది. ఇక్కడ గ్రామంలో మనుషులు ఉన్నట్లు రకరకాల పాములు ఉంటాయి. ఇక్కడ అందరి కుటుంబంలో పాములు ముఖ్యమైనవి. ఈ గ్రామంలో నాగుపాములతో సహా అనేక రకాల పాములు ఉన్నాయి. ఈ గ్రామంలో పిల్లలు పాములతో ఆడుకుంటారు.
షెట్పాల్‌ను పాముల గ్రామంగా పిలుస్తారు. ఈ గ్రామం ఆర్థికంగా వెనుకబడి ఉండటంతో అనేక విధాలుగా కనీస సౌకర్యాలు లేవు. ఇక్కడి ప్రజలతో పాటు పాములు కూడా వారితో జీవిస్తాయి. ఇక్కడ ఇంటింటికీ పాములు కనిపిస్తుంటాయి. ఈ గ్రామంలో పాములను కుటుంబ సభ్యులుగా పరిగణిస్తారు.
షెట్పాల్ గ్రామం పూణే నుండి 200 కి.మీ దూరంలో ఉంది. ఈ గ్రామం కోబ్రా పాములకు నిలయం. ఇక్కడి గ్రామస్తులు పాములను పూజిస్తారు. ఎంతో గౌరవం ఇస్తారు.
ఈ గ్రామంలోని పిల్లలు పాములంటే అస్సలు భయపడరు. ఎందుకంటే పాములు జనాల మధ్యనే పెరుగుతున్నాయి. అందుకే పిల్లలు పాములను మెడలో వేసుకుని తిరుగుతారు. ఇందుకు సంబంధించిన ఫోటోల సోషల్ మీడియాలో వైరల్ అవుతున్నాయి.
ఈ ఊరికి వెళితే పాములు కాటేస్తాయని చాలా మంది భయపడుతుంటారు. కానీ అలాంటివేమి జరగవు. ఇప్పటివరకు పాములు కాటేసినట్లు ఒక్క కేసు కూడా నమోదు కాలేదు.