పుచ్చకాయ కొనేటప్పుడు ఈ ఒక్క గుర్తు చూసి కొనండి.. లేదంటే మీ ఆరోగ్యం హరి గోవిందా..!
మార్కెట్లో లభించే పుచ్చకాయలు నిజంగా సహజంగా పండినవేనా? లేకపోతే రసాయనాలతో పండించబడినవా? మీ కుటుంబం ఆరోగ్యంగా సురక్షితంగా ఉంచుకోవటం కోసం పుచ్చకాయను కొనేటప్పుడు, తినేటప్పుడు ఎలా జాగ్రత్తగా ఉండాలో తెలుసుకోండి. పుచ్చకాయ కొనుగోలు చేసే ముందు కొన్ని విషయాలు తప్పకుండా తెలుసుకోవాలి. అవేంటంటే...
ఎండాకాలం వచ్చేసరికి మార్కెట్లో ఎక్కువగా కనిపించే పండు పుచ్చకాయ. ఈ జ్యూసి, రుచికరమైన పుచ్చకాయలకు మార్కెట్లో డిమాండ్ పెరుగుతుంది. చల్లగా, తియ్యగా ఉండే పుచ్చకాయ తింటే శరీరానికి తక్షణం శక్తి, తేజస్సు వస్తుంది. అయితే ప్రస్తుతం చాలా మందికి ఒక సందేహం ఉంటుంది. మార్కెట్లో లభించే పుచ్చకాయలు నిజంగా సహజంగా పండినవేనా? లేకపోతే రసాయనాలతో పండించబడినవా? మీ కుటుంబం ఆరోగ్యంగా సురక్షితంగా ఉంచుకోవటం కోసం పుచ్చకాయను కొనేటప్పుడు, తినేటప్పుడు ఎలా జాగ్రత్తగా ఉండాలో తెలుసుకోండి. పుచ్చకాయ కొనుగోలు చేసే ముందు కొన్ని విషయాలు తప్పకుండా తెలుసుకోవాలి. అవేంటంటే…
వేసవిలో శరీరంలోని నీటి స్థాయిని నిర్వహించడానికి పుచ్చకాయ సరైన ఫ్రూట్. అయితే, కృత్రిమంగా పెంచిన, రసాయనికంగా చికిత్స చేయబడిన పుచ్చకాయ తినడం వల్ల ఫుడ్ పాయిజనింగ్ కూడా జరగవచ్చు. కాబట్టి, పుచ్చకాయను ఎంచుకునేటప్పుడు, ఈ క్రింది విషయాలను తప్పనిసరిగా దృష్టిలో ఉంచుకోండి.
ముందుగా, పుచ్చకాయ పరిమాణాన్ని గమనించాలి. చాలా పెద్దగా లేదా అసహజంగా మెరిసే పుచ్చకాయలను కొనకపోవడం మంచిది. సాధారణంగా సహజంగా పెరిగిన పుచ్చకాయలు మోస్తరు పరిమాణంలో ఉంటాయి. అలాగే పండు మీద చిన్న చిన్న గీతలు లేదా సహజమైన చర్మపు మచ్చలు కనిపిస్తే అది సహజంగా పండినదని అర్థం.
మరో ముఖ్యమైన విషయం పుచ్చకాయ రంగు. మంచి పుచ్చకాయకు గాఢమైన ఆకుపచ్చ రంగు ఉంటుంది. పండు ఒక వైపు పసుపు లేదా క్రీమ్ రంగులో ఉండే మచ్చ కనిపిస్తే అది నేలపై పండిన గుర్తు. ఈ మచ్చను ఫీల్డ్ స్పాట్ అంటారు. ఈ మచ్చ స్పష్టంగా ఉంటే ఆ పండు సహజంగా పండిందని భావించవచ్చు.
మరొక సులభమైన పరీక్ష పుచ్చకాయను చేతులతో తట్టి చెక్ చేయటం. పుచ్చకాయను చేతితో తట్టినప్పుడు లోపల ఖాళీగా ఉన్నట్టు గంభీరమైన శబ్దం వస్తే అది బాగా పండినదని అర్థం. అయితే ముదురు లేదా బలహీనమైన శబ్దం వస్తే ఆ పండు ఇంకా పండకపోయి ఉండవచ్చు. అలాగే, పుచ్చకాయ బరువు కూడా చాలా ముఖ్యం. ఒకే పరిమాణంలో ఉన్న పండ్లలో ఎక్కువ బరువుగా అనిపించే పండును ఎంచుకోవాలి. ఎందుకంటే అది లోపల నీరు, తీపి ఎక్కువగా ఉండే అవకాశముంది.
అలాగే, ఈ పండు పైభాగంలో ఉండే కాడ కూడా ఒక సంకేతం ఇస్తుంది. కాడ పూర్తిగా ఎండిపోయి గోధుమ రంగులో ఉంటే అది సహజంగా పండిన పుచ్చకాయ. అయితే కాడ ఇంకా పచ్చగా ఉంటే అది పూర్తిగా పండక ముందే కోసిన పండు కావచ్చు.
ఇలాంటి చిన్న చిన్న చిట్కాలను గుర్తుంచుకుంటే మార్కెట్లో తీయ్యగా, రసాయనాలు లేని మంచి పుచ్చకాయను సులభంగా ఎంచుకోవచ్చు. ఆరోగ్యకరమైన ఆహారం కోసం సహజంగా పండిన పండ్లను ఎంచుకోవడం ఎంతో ముఖ్యమని నిపుణులు సూచిస్తున్నారు.
మరిన్ని హ్యుమన్ ఇంట్రెస్ట్ వార్తల కోసం క్లిక్ చేయండి..