Health Tips: ఈ వ్యక్తులు మామిడి పండ్లు తినేటప్పుడు జాగ్రత్తలు తప్పనిసరి.. బీ కేర్‌ఫుల్!
ఏదైనా సరే మితంగా తింటేనే.. ఆరోగ్యానికి మంచిది.. ఒకవేళ ఆ హద్దు దాటిందో భారీ నష్టం చవి చూడాల్సిందే..
పండ్లకు రారాజు మామిడి. వేసవిలో ఎక్కువగా దొరికే ఈ మామిడిని పిల్లల నుంచి పెద్దల వరకు అందరూ అమితంగా ఇష్టపడతారు. కొంతమంది పచ్చి మామిడికాయలను ఆవురావురుమంటూ లాగిస్తే.. మరికొందరు మామిడి పండ్లను జుర్రేస్తారు. ఇంకొందరికైతే రాత్రి భోజనం చేసిన తర్వాత మామిడి పండ్లను తినడం అలవాటు. మామిడి పండ్ల వల్ల ఆరోగ్య ప్రయోజనాలు ఎన్నో ఉన్నాయి. అయితే కొందరికి మాత్రం మామిడి తినడం చాలా ప్రమాదకరం. మరి ఆ వ్యక్తులు ఎవరు.? వారు మామిడి పండ్లు తినేటప్పుడు ఎలాంటి జాగ్రత్తలు తీసుకోవాలో ఇప్పుడు తెలుసుకుందాం.
ఏదైనా సరే మితంగా తింటేనే.. ఆరోగ్యానికి మంచిది.. ఒకవేళ ఆ హద్దు దాటిందో భారీ నష్టం చవి చూడాల్సిందే. మామిడి పండ్లు కూడా ఇంతే.. మామిడి ఆరోగ్యానికి ఎంతో మేలు చేస్తుంది. ఇందులో మెగ్నీషియం, కాపర్, ఫైబర్ పుష్కలంగా ఉన్నాయి. అంతేకాకుండా ఖాళీ కడుపుతో మామిడి పండ్లు తినడం.. అలాగే మధ్యాహ్నం భోజనం అనంతరం వీటిని తినడం చాలా మంచిదని వైద్య నిపుణులు చెబుతున్నారు. కాని రాత్రి పడుకోబోయే ముందు మాత్రం మామిడిని తినకూడదట. ఆ సమయంలో మామిడి పండ్లను తీసుకోవడం వల్ల రక్తంలో గ్లూకోజ్ స్థాయి పెరుగుతుందని డాక్టర్లు అంటున్నారు.
ముఖ్యంగా మధుమేహ వ్యాధిగ్రస్తులు.. వేసవి సీజన్‌లో మొదటిగా వచ్చే మామిడి పండ్లను తినకూడదు. ఎందుకంటే వాటిపై ఎక్కువగా రసాయనాలు చల్లుతారని డాక్టర్లు చెబుతున్నారు. అలాగే ఈ వ్యక్తులు తక్కువ మోతాదులో మామిడి పండ్లను తీసుకోవాలని సలహా ఇస్తున్నారు. డయాబెటిక్ పేషెంట్లు మామిడి పండ్లను భోజనం చేసేటప్పుడు తీసుకోకూడదట. ఒకవేళ తీసుకున్నట్లయితే.. షుగర్ లెవెల్స్‌లో హెచ్చుతగ్గులు కనిపిస్తాయని వైద్య నిపుణులు అంటున్నారు. మరోవైపు ఏసిడిటీ సమస్య ఉన్నవారు కూడా ఖాళీ కడుపుతో మామిడి పండ్లను తీసుకోవడం ఆరోగ్యానికి హానికరం అని తెలిపారు.