గ్రీన్ టీతో అల్జీమర్స్కు చెక్.. అతిగా తాగితే సైడ్ ఎఫెక్ట్స్
ఇప్పుడు ఎక్కడ చూసిన వినిపిస్తున్న పేరు గ్రీన్ టీ. దీని వల్ల ఎన్నో ఆరోగ్యప్రయోజనాలు ఉన్నాయని చాలా మంది దీన్నే ప్రిఫర్ చేస్తున్నారు. గ్రీన్ టీ తాగడం వల్ల బరువు తగ్గటమే కాకుండా గుండె సంబధిత వ్యాధులు , క్యాన్సర్ వ్యాధులను దరిచేరనీయకుండా చేస్తుంది. తాజా అధ్యయనంలో తేలిన మరో విషయం గ్రీన్ టీతో అల్జీమర్స్ తో పాటు జన్యుపరమైన నరాల సంబంధిత వ్యాధులను కూడా ఇది నిరోధిస్తుందని తేలింది. అదే సమయంలో మితిమీరి ఎక్కువగా గ్రీన్ […]
ఇప్పుడు ఎక్కడ చూసిన వినిపిస్తున్న పేరు గ్రీన్ టీ. దీని వల్ల ఎన్నో ఆరోగ్యప్రయోజనాలు ఉన్నాయని చాలా మంది దీన్నే ప్రిఫర్ చేస్తున్నారు. గ్రీన్ టీ తాగడం వల్ల బరువు తగ్గటమే కాకుండా గుండె సంబధిత వ్యాధులు , క్యాన్సర్ వ్యాధులను దరిచేరనీయకుండా చేస్తుంది. తాజా అధ్యయనంలో తేలిన మరో విషయం గ్రీన్ టీతో అల్జీమర్స్ తో పాటు జన్యుపరమైన నరాల సంబంధిత వ్యాధులను కూడా ఇది నిరోధిస్తుందని తేలింది. అదే సమయంలో మితిమీరి ఎక్కువగా గ్రీన్ టీ తాగితే పలు ఆరోగ్య సమస్యలు కొని తెచ్చుకున్నట్లే అవుతుందని కూడా వైద్యులు హెచ్చరిస్తున్నారు.
అమెరికాలోని సదరన్ కాలిఫోర్నియా యూనివర్సిటీ శాస్త్రవేత్తలు ఎలుకలపై చేసిన ప్రయోగాల్లో దీన్ని గుర్తించారు. అయితే గ్రీన్ టీ మితంగా తాగితే ఏమి కాదు కానీ, ఎక్కువగా తాగడం వల్ల చాలా సైడ్ ఎఫెక్ట్ ఉన్నాయి అంటున్నారు ఆరోగ్య నిపుణులు.
గ్రీన్ టీ అతిగా తాగడం వల్ల జీర్ణక్రియపై ప్రభావం చూపించే అవకాశం ఉంది. క్రమేపి జీర్ణ వ్యవస్థను దెబ్బ తీస్తుంది. బరువు తక్కువ ఉన్నవారు గ్రీన్ టీ కి దూరంగా ఉండటమే మంచిదని తెలిపారు. గ్రీన్ కెఫిన్ కంటెంట్ చాలా ఎక్కువగా ఉంటుంది. కెఫిన్ ఎక్కువ మోతాదులో తీసుకోవడం వల్ల హార్ట్ స్ట్రోక్ వచ్చే అవకాశాలు ఉన్నాయని వైద్యులు పేర్కొన్నారు. గుండె జబ్బులు ఉన్నవారు గ్రీన్ టీ ఎక్కువగా తీసుకోకపోవడం మంచిది. అయితే అధికంగా గ్రీన్ టీ తాగడం వల్ల రక్తం లో హిమోగ్లోబిన్పై తీవ్ర ప్రభావం చూపుతుంది.ఇది రక్త హీనతకు దారి తీస్తుంది.
గ్రీన్ టీలో ఉండే కెఫిన్ మెదడుపై పలు రకాలు దుష్ప్రబావాలు చూపించే అవకాశం ఉంది. తలనొప్పి వచ్చే అవకాశాలు ఉన్నాయి. గ్రీన్ టీ ఎక్కువ తాగడం వల్ల నిద్ర లేమికి దారి తీస్తుంది, నిద్ర లేమితో బాధపడే వారు గ్రీన్ టీకి దూరంగా ఉండటమే మంచిది. మొత్తానికి మితంగా గ్రీన్ టీ తీసుకోవడం ద్వారా అల్జిమర్స్ కు చెక్ పెట్టొచ్చు.