Aditi Shankar: శంకర్ కూతురికి సూపర్ ఛాన్స్.. ఆ స్టార్ హీరో సినిమాలో అవకాశం అందుకున్న అదితి

టాలీవుడ్‌లో టాప్ దర్శకుడిగా రాణిస్తున్నారు శంకర్. ఆయన తెరకెక్కించిన సినిమాలన్నీ దాదాపు సూపర్ హిట్ గా నిలిచాయి. భారీ బడ్జెట్ తో సినిమాలు చేస్తూ సక్సెస్ అయ్యారు శంకర్. ప్రస్తుతం ఆయన రెండు సినిమాలతో బిజీగా ఉన్నారు. వీటిలో మెగా పవర్ స్టార్ రామ్ చరణ్ సినిమా ఒకటి. ఈ సినిమా గేమ్ చెంజర్ అనే ఇంట్రెస్టింగ్ టైటిల్ తో తెరకెక్కుతోంది. ఈ సినిమాలో చరణ్ డ్యూయల్ రోల్ లో కనిపించనున్నారు. అలాగే కమల్ హాసన్ తో కలిసి ఇండియన్ 2 సినిమా తెరకెక్కిస్తున్నారు. ఈ  రెండు సినిమాల షూటింగ్ ఒకే సారి పూర్తి చేస్తున్నారు శంకర్. ఇదిలా ఉంటే శంకర్ కూతురు కూడా ఇప్పుడు హీరోయిన్ గా సినిమాలు చేస్తున్న విషయం తెలిసిందే. రీసెంట్ గా ఆమె శివకార్తికేయన్ కు జోడీగా నటించింది. శివకార్తికేయన్ హీరోగా నటించిన మహావీరన్ సినిమాలో హీరోయిన్ గా నటించింది.

ఈ సినిమా మంచి విజయాన్ని అందుకుంది. ఈ సినిమాలో అదితి శంకర్ నటనకు మంచి మార్కులు పడ్డాయి. ఇక ఇప్పుడు ఈ చిన్నదానికి ఓ బంపర్ ఆఫర్ వచ్చిందని తెలుస్తోంది. స్టార్ హీరో సినిమాలో అదితి శంకర్ నటిస్తుందని కోలీవుడ్ లో టాక్ వినిపిస్తుంది. ఆ స్టార్ హీరో మరెవరో కాదు సూర్య.

సూర్య ప్రస్తుతం కంగువా అనే సినిమా షూటింగ్ తో బిజీగా ఉన్నారు. ప్రియాడికల్ డ్రామాగా ఈ సినిమా తెరకెక్కుతోంది. ఈ సినిమా షూటింగ్ శరవేగంగా జరుగుతోంది. ఈ మూవీ నుంచి విడుదలైన గ్లింప్స్ ప్రేక్షకులను ఆకట్టుకున్నాయి. ఈ సినిమా తర్వాత సూర్య సుధా కొంగర దర్శకత్వంలో ఓ సినిమా చేస్తున్న విషయం తెలిసిందే.

View this post on Instagram

A post shared by Suriya Sivakumar (@actorsuriya)

గతంలో ఈ ఇద్దరి కాంబినేషన్లో ఆకాశం నీ హద్దు రా అనే సినిమా వచ్చింది. ఇప్పుడు మరోసారి ఈ ఇద్దరు కలిసి సినిమా చేస్తున్నారు. ఈ సినిమాలో హీరోయిన్ గా అదితి శంకర్ ను ఎంపిక చేశారని టాక్ కోలీవుడ్ లో వినిపిస్తుంది. ఇప్పటికే ఆమె సూర్య సోదరుడు కార్తితో కలిసి ఓ సినిమా చేసింది. ఇప్పుడు అన్నతో కలిసి సినిమా చేస్తుంది. అలాగే ఈ సినిమాలో దుల్కర్ సల్మాన్ కీలక పాత్రలో నటిస్తున్నారని ప్రచారం జరుగుతోంది.

View this post on Instagram

A post shared by Aditi Shankar (@aditishankarofficial)

మరిన్ని సినిమా వార్తల కోసం ఇక్కడ క్లిక్ చేయండి.