కరోనా బారిన పడిన బాలీవుడ్ మెగాస్టార్ అమితాబ్ ప్రస్తుతం నానావతి ఆసుపత్రిలో చికిత్స పొందుతున్నారు. ప్రజంట్ బిగ్ బి ఆరోగ్యం నిలకడగానే ఉందని, మరో వారం రోజులలో ఆయన్ను ఆసుపత్రి నుండి డిశ్చార్జ్ చేసే అవకాశాలు ఉన్నట్లు డాక్టర్లు వెల్లడించారు. ఇక అమితాబ్ కూడా ఎప్పటికప్పుడు తన ఆరోగ్యానికి సంబంధించి అప్ డేట్స్ సోషల్ మీడియా ద్వారా అభిమానులతో పంచుకుంటున్నారు. ఆరోగ్య కార్యకర్తలపై ప్రశంసలు కురిపిస్తున్నారు. తాజాగా ఫేస్ బుక్ లో ఫ్యాన్స్ కోసం స్పెషల్ పోస్ట్ పెట్టారు బిగ్ బి. 6 రకాల వ్యక్తుల నుండి దూరంగా ఉండమని కోరారు.
ఇతరులపై ఎప్పుడూ అసూయను వ్యక్తపరిచేవారు..
ఎదుటివ్యక్తులపై ఎప్పుడూ అయిష్టతను ప్రదర్శించేవారు..
ఇతరులపై ఎప్పుడూ అసంతృప్తిని చూపించేవారు..
ఎప్పుడూ కోపంతో ఊగిపోయేవారు…
ఇతరులను ఎప్పుడూ అనుమానించేవారు…
మనుషుల్ని ఉన్నట్టుండి వదిలేసి వెళ్లేవారికి దూరంగా ఉండాలని కోరారు. ఇటువంటివారు జీవితంలో ఉంటే దుఃఖం తప్పదని, సాధ్యమైనంతవరకు ఇలాంటి వ్యక్తుల్ని ఎవరికి వారే కాపాడుకోవాలని సూచించారు.