‘తిలక్‌ను టీమిండియాలో చూడడం ఆనందంగా ఉంది.. భారత్ వర్సెస్‌ పాక్‌ మ్యాచ్‌లో సందడి చేయనున్న విజయ్‌ దేవరకొండ

Tilak-Varma,-Vijay-Deverakonda

టాలీవుడ్‌ రౌడీ బాయ్‌ విజయ్‌ దేవరకొండ ప్రస్తుతం ‘ఖుషి’ సినిమా ప్రమోషన్లలో బిజీబిజీగా ఉంటున్నాడు. శివనిర్వాణ దర్శకత్వంలో తెరకెక్కిన ఈ ఫీల్‌ గుడ్‌ లవ్‌ స్టోరీలో సమంత హీరోయిన్‌గా నటిస్తోంది. అన్ని హంగులు పూర్తి చేసుకున్న ఖుషి శుక్రవారం (సెప్టెంబర్‌ 1)న గ్రాండ్‌గా రిలీజ్‌ కానుంది. కాగా విజయ్‌కు సినిమాలతో పాటు క్రికెట్‌పై కూడా చాలా ఇంట్రెస్ట్‌ ఉంది. గతంలో పలుసార్లు టీమిండియా క్రికెటర్లపై తన అభిమానాన్ని చాటుకున్నాడీ లైగర్‌ బాయ్‌. కాగా బుధవారం (ఆగస్టు 30) నుంచి ఆసియా కప్‌ ప్రారంభంకానుంది. మొదటి మ్యాచ్‌లో ఆతిథ్య పాకిస్తాన్‌తో నేపాల్‌ తలపడనుంది. శనివారం (సెప్టెంబర్‌ 2) భారత్‌ వర్సెస్‌ పాకిస్తాన్‌ మ్యాచ్‌ జరగనుంది. ఈ హైవోల్టేజ్‌ మ్యాచ్‌ సందర్భంగా స్టార్ స్పోర్ట్స్ తెలుగు ఛానెల్‌లో సందడి చేయనున్నాడు విజయ్‌ దేవరకొండ. శనివారం మధ్యాహ్నం 2 గంటల నుంచి ఈ ఛానెల్లో విజయ్‌ సందడి చేయనున్నాడు. దీనికి సంబంధించిన ప్రోమోను రిలీజ్‌ చేసింది స్టార్‌ స్పోర్ట్స్‌ ఇందులో టీమిండియా క్రికెటర్లపై ఆసక్తికర వ్యాఖ్యలు చేశాడు విజయ్‌ . ముఖ్యంగా తెలుగబ్బాయి తిలక్‌వర్మను టీమిండియాలో చూడడం ఆనందంగా ఉందన్నాడు. ‘విరాట్ కోహ్లీ ఆట చూస్తుంటే నాకు చాలా ముచ్చటేస్తుంది. ఇక రోహిత్‌ శర్మ ఆట కూడా సూపర్బ్‌. ఇక తనదైన రోజున సూర్యకుమార్‌ యాదవ్‌ను ఎవరూ ఆపలేరు. హార్దిక్‌ పాండ్యా ఆడిన షాట్స్‌ నుంచి వచ్చిన సౌండ్స్‌ అద్భుతంగా ఉంటాయి. ఇక బుమ్రా, సిరాజ్‌, అర్ష్‌దీప్‌ లాంటి బౌలర్లు అద్భుతంగా ఆడుతున్నారు’ అంటూ టీమిండియా స్టార్స్‌పై ప్రశంసలు కురిపించాడు విజయ్‌.

ఇక తెలుగబ్బాయి తిలక్‌ వర్మను జట్టులో చూస్తుంటే చాలా హ్యాపీగా ఉందన్నాడు రౌడీబాయ్‌. ‘తిలక్‌ వర్మలో చాలా ట్యాలెంట్‌ ఉంది. మున్ముందు అతను మరిన్ని ఉన్నత శిఖరాలు అధిరోహిస్తాడనుకుంటున్నా. నేను స్టేడియంలో వీక్షించిన ఈ మ్యాచ్‌లోనూ టీమిండియా ఓడిపోలేదు. అయితే స్టేడియంలో మ్యాచ్‌ చూస్తున్నప్పుడు రీప్లేలు, కామెంటరీని మిస్‌ అవుతున్న ఫీలింగ్‌ వస్త్ఉంది. అందుకే ఇప్పుడు టీవీలోనే మ్యాచ్‌లను చూస్తున్నాను. ఆసియా కప్‌ మ్యాచ్‌ల కోసం, ముఖ్యంగా భారత్‌ వర్సెస్‌ పాకిస్తాన్‌ మ్యాచ్‌ కోసం ఆసక్తిగా ఎదురుచూస్తున్నా’ అని చెప్పుకొచ్చాడు విజయ్‌. అలాగే మరో రెండు రోజుల్లో రిలీజ్‌ కానున్న ఖుషి సినిమా ముచ్చట్లను కూడా పంచుకున్నాడు.

స్టార్ స్పోర్ట్స్ ఛానెల్ లో సందడి చేయనున్న విజయ్ దేవరకొండ.. ప్రోమో ఇదుగో..

మరిన్ని సినిమా వార్తల కోసం ఇక్కడ క్లిక్ చేయండి..