Love Guru: ‘లవ్ గురు’ టీమ్ బంపరాఫర్.. ఫ్రీగా మలేషియా, కశ్మీర్, ఊటీ ఫ్యామిలీ ట్రిప్.. ఏం చేయాలంటే?
బిచ్చగాడు ఫేమ్ విజయ్ ఆంటోని, గద్దల గొండ గణేష్ బ్యూటీ మృణాళిని రవి జంటగా నటించిన చిత్రం లవ్ గురు. ఇందులో తొలిసారిగా లవర్ బాయ్ పాత్రలో నటించాడు విజయ్ ఆంటోని. రంజాన్ పండగ కానుకగా ఏప్రిల్‌ 11న విడుదలైన లవ్ గురు పాజిటివ్ టాక్ తో దూసుకెళుతోంది. ముఖ్యంగా యూత్, ఫ్యామిలీ ఆడియెన్స్ కు ఈ సినిమా బాగా నచ్చుతోంది.
బిచ్చగాడు ఫేమ్ విజయ్ ఆంటోని, గద్దల గొండ గణేష్ బ్యూటీ మృణాళిని రవి జంటగా నటించిన చిత్రం లవ్ గురు. ఇందులో తొలిసారిగా లవర్ బాయ్ పాత్రలో నటించాడు విజయ్ ఆంటోని. రంజాన్ పండగ కానుకగా ఏప్రిల్‌ 11న విడుదలైన లవ్ గురు పాజిటివ్ టాక్ తో దూసుకెళుతోంది. ముఖ్యంగా యూత్, ఫ్యామిలీ ఆడియెన్స్ కు ఈ సినిమా బాగా నచ్చుతోంది. కాగా లవ్ గురు సినిమాను మరింతగా జనాల్లోకి తీసుకెళ్లేందుకు ఒక ఎగ్జైటింగ్ ఆఫర్ ను ప్రకటించింది చిత్ర బృందం. అదేంటంటే లవ్ గురు సినిమా చూసిన ప్రేక్షకుల్లో కొంతమందిని ఎంపిక చేసి ఫ్యామిలీతో సమ్మర్ హాలీడే టూర్ తీసుకెళ్లనున్నారు. ఫస్ట్ ప్రైజ్ విన్నర్ కు మలేషియా, సెకండ్ ప్రైజ్ విజేతకు కశ్మీర్, థర్డ్ ప్రైజ్ విన్నర్ కు ఊటీ హాలీడే ఫ్యామిలీ ట్రిప్ ను తీసుకెళ్తామని లవ్ గురు టీమ్ తమ సోషల్ మీడియా ఖాతాల ద్వారా తెలిపింది. ఆదివారం (ఏప్రిల్‌ 14)బ నుంచి ఈ బంపరాఫర్ అందుబాటులోకి రానున్నట్లు లవ్ గురు సినిమాను తెలుగులో డిస్ట్రిబ్యూట్ చేసిన మైత్రీ మూవీ మేకర్స్ ప్రకటించారు.
‘లవ్ గురు’ సినిమా చూసిన ప్రేక్షకులు మీ పేరు, ఫోన్ నెంబర్, టికెట్ వివరాలు రాసి థియేటర్స్ దగ్గర ఏర్పాటు చేసిన బాక్సుల్లో వేయాలి. ఇక ఆన్ లైన్ టికెట్ కొన్న ప్రేక్షకులు 9963466334 నంబర్ కు మీ టికెట్ ఫొటోను వాట్సాప్ చేయాలి. ఈ సమ్మర్ హాలీడేస్ వెకేషన్ ను పూర్తి ఉచితంగా ఆస్వాదించే అవకాశం “లవ్ గురు” సినిమా టీమ్ మీకు కల్పిస్తోంది’ అని చిత్ర బృందం ప్రకటించింది.
మైత్రీ మూవీ మేకర్స్ ట్వీట్ ఇదిగో..
పాజిటివ్ టాక్ తో దూసుకెళుతోన్న లవ్ గురు..
మరిన్ని సినిమా వార్తల కోసం ఇక్కడ క్లిక్ చేయండి.