Devara: టిల్లు, విశ్వక్ మధ్యలో ఎన్టీఆర్.. దేవర స్పెషల్ ఇంటర్వ్యూ.. ఫోటో లీక్..

ప్రస్తుతం దేవర సినిమా ప్రమోషన్లలో బిజీగా ఉన్నాడు యంగ్ టైగర్ ఎన్టీఆర్. ట్రిపుల్ ఆర్ తర్వాత తారక్ నుంచి సోలోగా వస్తున్న చిత్రం కావడంతో ఈ మూవీ కోసం ఆసక్తిగా ఎదురుచూస్తున్నారు ఫ్యాన్స్. మాస్ యాక్షన్ డ్రామాగా తెరకెక్కించిన ఈ చిత్రంలో జాన్వీ కపూర్ కథానాయికగా నటిస్తుంది. అలాగే ఇందులో బీటౌన్ హీరో సైఫ్ అలీ ఖాన్ విలన్ పాత్రలో నటిస్తున్న సంగతి తెలిసిందే. ఇప్పటికే అన్ని కార్యక్రమాలు పూర్తి చేసుకున్న ఈ సినిమా సెప్టెంబర్ 27న విడుదల చేయనున్నారు. ఈ క్రమంలో దేశవ్యాప్తంగా వరుస ఇంటర్వ్యూలు ఇస్తుంది చిత్రయూనిట్. ఇటీవలే ముంబైలో ట్రైలర్ లాంఛ్ ఈవెంట్ గ్రాండ్ గా జరిగింది. అలాగే కరణ్ జోహార్, అలియా భట్ లతో కలిసి ఇంటర్వ్యూలలో పాల్గొన్నాడు ఎన్టీఆర్. ఇక ప్రస్తుతం తారక్ హైదరాబాద్ తిరిగి వచ్చాడు.

ఆ వెంటనే వరుస ఇంటర్వ్యూలలో పాల్గొంటూ సినిమా ప్రమోషన్స్ జోరుగా చేస్తున్నాడు. ఈ క్రమంలోనే తారక్ సన్నిహితులు, ఫ్యాన్స్ హీరో సిద్ధు జొన్నలగడ్డ, విశ్వక్ సేన్ లు ప్రత్యేక ఇంటర్వ్యూ చేశారు. ఎన్టీఆర్, కొరటాల శివలతో ఆ ఇద్దరు చేసిన ఇంటర్వ్యూ సినిమా స్థాయిని పెంచే విధంగా ఉంటుందని టాక్ నడుస్తుంది. ఈ ఇంటర్వ్యూకు సంబంధించిన ఫోటో ఇప్పుడు నెట్టింట తెగ వైరలవుతుంది.

ఇవి కూడా చదవండి

ఒకప్పుడు సినిమాల్లో చిన్న క్యారెక్టర్స్.. ఇప్పుడు స్టార్ హీరో..

ఆమెకు గుండెల్లో గుడి కట్టిన అబ్బాయిలు.. ఈ అందాల రాక్షసి ఎవరంటే..

అందంలో తల్లిని మించిపోయిన గౌతమి కూతురు..

ఇండస్ట్రీలోనే భారీ అట్టర్ ప్లాప్ మూవీ ఏంటో తెలుసా..

సిద్ధు, విశ్వక్ సేన్ ఇద్దరూ మొదటి నుంచి తారక్ వీరాభిమానులు. ఇటీవలే దేవర ట్రైలర్ గురించి ఓ యూట్యూబర్ చేసిన కామెంట్స్ పై విశ్వక్ మండిపడ్డాడు. ఇదిలా ఉంటే.. ఎన్టీఆర్ తో సిద్ధు, విశ్వక్ కలిసి చేసిన ఇంటర్వ్యూ చాలా సరదాగా సాగిపోతుందని.. సిద్దు, విశ్వక్ పోటీపడి మరీ తారక్ ను ఇరుకున పెట్టే విధంగా ప్రశ్నలు ఉంటాయని తెలుస్తోంది. దేవర సినిమాను సెప్టెంబర్ 27న విడుదల చేయనున్నారు.

Massive waves…Massive energy ❤️❤️ #Devara pic.twitter.com/8E6NpOZYBf

— Devara (@DevaraMovie) September 13, 2024

మరిన్ని సినిమా వార్తల కోసం ఇక్కడ క్లిక్ చేయండి.