Prasad Babu : నా కోడలు టాప్ హీరోయిన్.. ఆమె సినిమాలు వదిలేయడానికి కారణం ఇదే.. టాలీవుడ్ నటుడు..
సీనియర్ నటుడు ప్రసాద్ బాబు దశాబ్దాలుగా తెలుగు చలనచిత్ర పరిశ్రమలో తనదైన ముద్ర వేశారు. ఎన్నో హిట్ సినిమాలు, సీరియల్స్ చేసిన ఆయన.. ఇప్పుడు ఇండస్ట్రీకి దూరంగా ఉంటున్నారు. ఇటీవల ఓ ఇంటర్వ్యూలో ఓ వ్యక్తిగత జీవితం, వృత్తిపరమైన ప్రయాణం గురించి ఆసక్తికర విషయాలు పంచుకున్నారు. తన కుటుంబం ఎంతో సంతోషంగా ఉంటుందని, ఒకరిపై ఆధారపడకుండా ఎవరి బతుకు వారు బతుకుతారని తెలిపారు.
సీనియర్ నటుడు ప్రసాద్ బాబు ఓ ఇంటర్వ్యూలో తన కుటుంబ జీవితం, వృత్తిపరమైన అనుభవాలు, వ్యక్తిగత తత్వశాస్త్రం గురించి వివరంగా పంచుకున్నారు. తన కుటుంబం గురించి మాట్లాడుతూ, అంతా సంతోషంగా ఉన్నారని, ఎవరూ ఒకరిపై ఆధారపడరని, బయటివారిని మోసం చేయరని చెప్పారు. తనకు ఇంట్లో తోబుట్టువులు నాటకాలకు వెళ్తుంటే తన తండ్రి కొట్టేవారని, అయితే చివరికి తాను నటననే జీవనాధారంగా ఎంచుకున్నానని వివరించారు.
తన కొడుకు శ్రీకర్ నటనకు ప్రాధాన్యత ఇవ్వకపోవడం తనకు ఆశ్చర్యం కలిగించిందని ప్రసాద్ బాబు తెలిపారు. శ్రీకర్ కన్నడ, తమిళ చిత్రాలతో పాటు పలు సీరియళ్లలో నటించి గొప్ప ప్రతిభను చాటుకున్నాడు. గ్లిజరిన్ లేకుండానే తీవ్రమైన భావోద్వేగ సన్నివేశాలను పండించే శ్రీకర్ సామర్థ్యం తనను ఆశ్చర్యపరిచిందని అన్నారు. శ్రీకర్ జాతకం ఎన్.టి. రామారావు గారి జాతకంతో పోలి ఉందని, అతను 100% నటుడని, భవిష్యత్తులో తిరిగి నటనలోకి రావచ్చని ఆశాభావం వ్యక్తం చేశారు. తన కోడలు కూడా అద్భుతమైన నటి అని, సెంటిమెంట్ పాత్రల్లో ఆమె ప్రత్యేకత చూపిస్తుందని ప్రశంసించారు. ప్రస్తుతం తన కోడలు కాస్ట్యూమ్, మేకప్ ఆర్టిస్టుగా పనిచేస్తుందని.. సొంతంగా ఎన్నో సంస్థలు కలిగి ఉందని అన్నారు. ప్రస్తుతం సినిమాలకు దూరంగా.. తన సొంత వ్యాపారంలో ముందుకు సాగుతుందని అన్నారు.
ఎక్కువమంది చదివినవి : Jabardasth Naresh: నెలకు 13 ఈవెంట్స్ చేస్తా.. ఒక్కో ఈవెంట్కు ఎంత తీసుకుంటానంటే.. జబర్దస్త్ నరేష్..
ప్రసాద్ బాబు 65వ ఏట మంగళగిరిలో తాను కట్టుకున్న ఇంటి గురించి మాట్లాడుతూ, అది తన కష్టార్జితమని, ఎవరి సహాయం లేకుండా, పిల్లలను కూడా దగ్గరికి రానివ్వకుండా కట్టుకున్నానని తెలిపారు. ఎండలో కూలీలతో పాటు నిలబడి పనిచేశానని గుర్తుచేసుకున్నారు. కొండల మధ్యలో ఇల్లు కట్టడానికి గల కారణం తన ఇష్టమని, ఆ ప్రదేశం ఆ తర్వాత రాజధానిగా మారడం తనకు అదృష్టమని చెప్పారు. ప్రతి నెలా అక్కడికి వెళ్లి మొక్కలతో ఒంటరిగా గడుపుతానని తెలిపారు. తన భార్య మరణించి దాదాపు 10-12 ఏళ్లు అవుతుందని, ఆమె తనకు గొప్ప సహాయ సహకారాలు అందించారని, సత్యనారాయణ, మురళీ మోహన్ వంటి సహనటులు తన భార్యను మెచ్చుకునేవారని తెలిపారు. ఇంట్లో వండిన ఆహారాన్ని ప్రతి ఆదివారం షూటింగ్కు తీసుకెళ్లి అందరికీ పంచిపెట్టేవారని, నటులు బాగా తిని రెస్ట్ తీసుకున్న తర్వాత “సినిమాలు ఎందుకు చేస్తున్నావ్” అని సరదాగా అనేవారని గుర్తు చేసుకున్నారు.
ఎక్కువమంది చదివినవి : Tollywood : ఎంతో కష్టపడి కట్టుకున్న ఇల్లును సుడిగాలి సుధీర్కు అమ్మేశా.. టాలీవుడ్ నటుడు..
తన చివరి తెలుగు సినిమా జూనియర్ ఎన్టీఆర్ నటించిన దమ్ము అని, ఆ తర్వాత కొన్ని అవకాశాలు వచ్చినా అడుక్కోవడానికి ఇష్టం లేదని అన్నారు. తాను 1500 చిత్రాలలో నటించానని, అయితే కొన్ని ఆగిపోయిన సినిమాలను వదిలేస్తే ఈ సంఖ్య ఎక్కువ అయ్యేదని చెప్పారు. ఒకే రోజు ఆరు, ఏడు షూటింగ్లలో పాల్గొన్న అనుభవాలు పంచుకుంటూ, ఒకసారి చిరంజీవి, గిరిబాబు వంటి ప్రముఖ నటులు ఉన్న ఒక షూటింగ్కు ఆలస్యంగా వెళ్లిన సందర్భంలో డైరెక్టర్ వాసు ప్రవర్తనతో మనస్తాపం చెంది, ఆ తర్వాత మళ్లీ అతనితో పనిచేయకూడదని నిర్ణయించుకున్నానని చెప్పారు.
ఎక్కువమంది చదివినవి : Tollywood : ఆమెకు 15.. అతడికి 24.. పదేళ్లుగా సీక్రెట్ లవ్.. కట్ చేస్తే.. భార్యభర్తలుగా ఒక్కటైన హీరోహీరోయిన్..
ఎక్కువమంది చదివినవి : Appa Rao: ఆ సినిమా సమయంలో చేసిన పని.. నా ఫేస్ మొత్తం బ్లాక్ అయ్యింది.. జబర్దస్త్ అప్పారావు..