Samantha: ‘తన ప్రేమలో ఆమెకు నమ్మకం ఉంది. కష్టాన్ని గౌరవంతో భరించింది’.. ఇంట్రెస్టింగ్ వీడియో షేర్ చేసిన సమంత..
ప్రస్తుతం సామ్ ముంబైలో సందడి చేస్తుంది. ఈ క్రమంలోనే ఆమె షేర్ చేసిన ఓ స్పెషల్ వీడియో ఇప్పుడు నెటిజన్లను ఆకట్టుకుంటుంది. అందులో శాకుంతల పాత్ర గురించి ఆసక్తికర విషయాలను పంచుకున్నారు సామ్.
టాలీవుడ్ స్టార్ హీరోయిన్ సమంత ప్రస్తుతం తన నెక్ట్స్ సినిమా శాకుంతలం ప్రచార కార్యక్రమాల్లో పాల్గొంటుంది. కాళిదాసు రచించిన అభిజ్ఞాన శాకుంతలం ఆధారంగా డైరెక్టర్ గుణశేఖర్ తెరకెక్కించిన ఈ చిత్రం ఏప్రిల్ 14న ప్రేక్షకుల ముందుకు రానుంది. ఇందులో గౌతమి, ప్రకాష్ రాజ్, మోహన్ బాబు కీలకపాత్రలు పోషించగా.. మలయాళీ నటుడు దేవ్ మోహన్ హీరోగా కనిపించనున్నారు. తెలుగుతోపాటు.. తమిళం, హిందీ, మలయాళం, కన్నడ భాషలలో విడుదల కాబోతున్న ఈ సినిమా ప్రమోషన్స్ వేగంగా నిర్వహిస్తున్నారు చిత్రయూనిట్. ఇందులో భాగంగా ప్రస్తుతం సామ్ ముంబైలో సందడి చేస్తుంది. ఈ క్రమంలోనే ఆమె షేర్ చేసిన ఓ స్పెషల్ వీడియో ఇప్పుడు నెటిజన్లను ఆకట్టుకుంటుంది. అందులో శాకుంతల పాత్ర గురించి ఆసక్తికర విషయాలను పంచుకున్నారు సామ్.
“శకుంతల. ఆమెకు చాలా నమ్మకాలు ఉన్నాయి.. తన ప్రేమలో.. తన భక్తిలో ఎప్పుడూ నిజాయితీగానే ఉంటుంది. తన జీవితంలో ఎదురైన ఎన్నో కష్టాలను ఆమె దయ.. గౌరవంతో భరించింది. తనను భాదించిన అనేక సంఘటనలను నమ్మకంతో ఎదుర్కొంది. ఆమె యువరాణి. అడవి.. జంతువుల పాత్రలు నాలోని చిన్నపిల్లను గుర్తుచేసాయి. నాకు చాలా సంతోషంగా ఉంది. ఈ సినిమాలో శకుంతల పాత్ర పోషించినందుకు. ఈ సినిమాను ప్రేక్షకులు చూసి ఆదరిస్తారనే నమ్మకం నాకు ఉంది” అంటూ చెప్పుకొచ్చారు సామ్. ప్రస్తుతం ఈ వీడియో నెట్టింట వైరలవుతుండగా.. శాకుంతలం సినిమా కోసం వెయిట్ చేస్తున్నామంటూ కామెంట్స్ చేస్తున్నారు ఫ్యాన్స్.
నీలిమ గుణశేఖర్ నిర్మిస్తోన్న ఈ సినిమాకు మణిశర్మ సంగీతం అందిస్తున్నారు. ఇందులో అదితి బాలన్.. అల్లు అర్హ, వర్ణిణి,కబిర్ సింగ్ దుహా కీలకపాత్రలు పోషిస్తున్నారు. ఈ పౌరాణిక ప్రేమగాథలో ఒరిజినాలిటీ ఉండేందుకు ఒరిజినల్ నగలనే వాడారట చిత్రయూనిట్.
మరిన్ని సినిమా వార్తల కోసం ఇక్కడ క్లిక్ చేయండి.