
టాలీవుడ్ హీరో మంచు విష్ణు డ్రీమ్ ప్రాజెక్ట్గా తెరకెక్కుతోన్న చిత్రం కన్నప్ప. ముఖేష్కుమార్ సింగ్ దర్శకత్వంలో రానున్న ఈ క్రేజీ ప్రాజెక్టులో వివిధ భాషలకు చెందిన స్టార్ యాక్టర్స్ నటించనున్నారు.ప్రభాస్, అక్షయ్ కుమార్, శరత్ కుమార్, డా.మోహన్ బాబు, మోహన్ లాల్, బ్రహ్మానందం తదితర సినీ దిగ్గజాలు ఈ సినిమాలో పాలు పంచుకోనున్నారు.ఇప్పటికే ఈ సినిమా నుంచి రిలీజైన పోస్టర్స్, టీజర్ కు అభిమానుల నుంచి అదిరిపోయే రెస్పాన్స్ వచ్చింది. ఈ మూవీ షూటింగ్ ఎక్కువగా న్యూజిలాండ్లోని అద్భుతమైన లోకేషన్స్లో చిత్రీకరించారు. తాజాగా కన్నప్ప సినిమాలో మరో సీనియర్ హీరోయిన్ ఒక కీలక పాత్రలో నటిస్తున్నట్లు చిత్ర బృందం ప్రకటించింది. అంతే కాదు ఆమె ఫస్ట్ లుక్ ని కూడా రిలీజ్ చేశారు. ఆమె మరెవరో కాదు అలనాటి హీరోయిన్ మధుబాల. గతంలో ఎన్నో మరపురాని చిత్రాల్లో ఆమె హీరోయిన్ గా అలరించింది. మణిరత్నం తెరకెక్కించిన రోజా లాంటి కల్ట్ క్లాసిక్ చిత్రంతో మధుబాల చాలా పాపులర్ అయింది. తెలుగుతో పాటు హిందీ , తమిలం, మలయాళం, కన్నడ భాషల్లో నటించి ఆడియెన్స్ ఆదరాభిమానాలు సొంతం చేసుకుందీ అందాల తార. తెలుగులో అల్లరి ప్రియుడు, చిలక్కొట్టుడు, ఆవేశం, గణష్ తదితర సినిమాల్లో నటించింది మధుబాల.
అయితే పెళ్లి తర్వాత చాలా గ్యాప్ తీసుకున్న మధుబాల ఇటీవలే సెకెండ్ ఇన్నింగ్స్ స్టార్ట్ చేసింది. ప్రేమదేశం, శాకుంతలం, ఈగల్ తదిర సినిమాల్లో ఆమె కీలక పాత్రలు పోషించారు. ఇప్పుడు మంచు విష్ణు హీరోగా చేస్తోన్న కన్నప్పలోనూ కీ రోల్ చేస్తోంది. ఇందులో పన్నగ అనే పాత్రలో వీర నారిగా నటిస్తుంది మధు బాల. తాజాగా సినిమాలో ఆమె లుక్ కు సంబంధించి ఒక కొత్త పోస్టర్ ను రిలీజ్ చేశారు మేకర్స్. ఇందులో కత్తి పట్టుకుని ఉగ్రరూపంలో కనిపించిందీ సీనియర్ నటీమణి. ప్రస్తుతం మధు బాల లుక్ కు సంబంధించిన ఫొటోలు సామాజిక మాధ్యమాల్లో తెగ వైరలువున్నాయి.
కన్నప్ప సినిమాలో నటి మధు బాల లుక్..
మరిన్ని సినిమా వార్తల కోసం ఇక్కడ క్లిక్ చేయండి.