Rashmika : అలా అయితే ఎన్టీఆర్ సినిమాలో నటిస్తా.. రష్మిక కండీషన్‌కు దర్శకుడు షాక్

Rashmika Mandanna

యంగ్ టైగర్ ఎన్టీఆర్ ప్రస్తుతం కొరటాల శివ దర్శకత్వంలో దేవర సినిమా చేస్తున్న విషయం తెలిసిందే.. యాక్షన్ ఎంటర్ టైనర్ గా తెరకెక్కుతోన్న ఈ సినిమా పై అభిమానుల్లో భారీ అంచనాలు నెలకొన్నాయి. ఈ సినిమా రెండు భాగాలుగా ప్రేక్షకుల ముందుకు తీసువస్తున్నారు. సముద్రం బ్యాక్ డ్రాప్ లో తెరకెక్కుతోన్న ఈ సినిమాలో తారక్ డిఫరెంట్ లుక్ లో కనిపించనున్నాడు.అలాగే ఈ సినిమాలో బాలీవుడ్ స్టార్ హీరోయిన్ జాన్వీ కపూర్ తారక్ తో రొమాన్స్ చేయనుంది. ఇక ఈ సినిమాలోవిలాన్ గా నటుడు సైఫ్ అలీఖాన్ నటిస్తున్నాడు. ఈ సినిమాను పాన్ ఇండియా మూవీగా తెరకెక్కిస్తున్నాడు కొరటాల. ప్రస్తుతం ఈ సినిమా షూటింగ్ శరవేగంగా జరుగుతోంది. ఇప్పటికే ఈ సినిమానుంచి విడుదలై సాంగ్ ప్రేక్షకుల్లో సినిమా పై హైప్ ను పెంచేసింది.

అలాగే బాలీవుడ్ దర్శకుడు అయాన్ ముఖర్జీ దర్శకత్వంలో వార్ 2సినిమా చేస్తున్నాడు. ఈ సినిమాలో హృతిక్ రోషన్ తో కలిసి నటించనున్నాడు తారక్. ఈ సినిమా పై అటు బాలీవుడ్ లోనూ ఇటు టాలీవుడ్ లోనూ మంచి అంచనాలు నెలకొన్నాయి. ఈ సినిమా షూటింగ్ కూడా శరవేగంగా జరుగుతోంది. ఇదిలా ఉంటే ఈ సినిమాలతో పాటు పాన్ ఇండియా డైరెక్టర్ ప్రశాంత్ నీల్ డైరెక్షన్ లో ఓ సినిమా చేస్తున్నాడు.

ఈ సినిమాను అనౌన్స్ చేసి చాలా కాలమే అయ్యింది. ఇక ఇప్పుడు ఈ సినిమా పనులు వేగవంతం అయ్యాయని తెలుస్తోంది. ఈ సినిమాలో హీరోయిన్ గా నేషనల్ క్రష్ రష్మిక మందన్నాను ఎంపిక చేశారట. అయితే ఎన్టీఆర్ తో నటించడానికి ఓకే చెప్పిన రష్మిక .. ఓ కండీషన్ పెట్టిందని గుసగుసలు వినిపిస్తున్నాయి. అయితే ఈ సినిమాలో డీ గ్లామర్ రోల్ అయితే తాను చేయను అని చెప్పేసిందట. ఎందుకంటే సుకుమార్ దర్శకత్వంలో వచ్చిన పుష్ప సినిమాలో రష్మిక డీ గ్లామర్ రోల్ లోనే కనిపించింది. ఇక ఇప్పుడు మరోసారి డీ గ్లామర్ రోల్ లో కనిపించడానికి రెడీ లేదు అని టాక్. ఫైనల్ గా ప్రశాంత్ నీల్ ఎలాగైనా ఆమెనే హీరోయిన్ గా తీసుకోవాలని పట్టుబట్టడంతో ఓకే చేసిందట. కాగా ఈ సినిమా కోసం రష్మిక ఏకంగా రూ. 7 కోట్ల వరకు రెమ్యునరేషన్ అందుకుంటుందని టాక్ వినిపిస్తుంది. ప్రస్తుతం పుష్ప 2 తో పాటు మరికొన్ని ప్రాజెక్ట్స్ లో బిజీగా ఉంది ఈ చిన్నది.

మరిన్ని సినిమా వార్తల కోసం ఇక్కడ క్లిక్ చేయండి.