Actress Rashi Khanna: అందాల రాశికి ఆఫర్ల వెల్లువ.. ఏకంగా ఏడు సినిమాల్లో ఛాన్స్..
ఊహలు గుసగుసలాడే సినిమాతో కుర్రాళ్ళ గుండెల్లో గూడు కట్టుకున్న బ్యూటీ రాశిఖన్నా. ఈ ముద్దుగుమ్మ ఆతర్వాత వరుస ఆఫర్లు దక్కించుకుంటూ దూసుకుపోతుంది.
Actress Rashi Khanna: ఊహలు గుసగుసలాడే సినిమాతో కుర్రాళ్ళ గుండెల్లో గూడు కట్టుకున్న బ్యూటీ రాశిఖన్నా. ఈ ముద్దుగుమ్మ ఆతర్వాత వరుస ఆఫర్లు దక్కించుకుంటూ దూసుకుపోతుంది. ఇటు తెలుగు తమిళంతో పాటు మలయాళం హిందీ సినిమాలను కూడా ఈ లాక్డౌన్ లో లైనప్ చేసింది. తెలుగులో చాలా సినిమాల్లో మెరిసిన ఈ ఢిల్లీ సోయాగం స్టార్ హీరోయిన్ అనే ట్యాగ్ ను మాత్రం అందుకోలేకపోయింది. ‘ఇమైకనొడిగళ్’ అనే సినిమాతో తమిళ ఇండస్ట్రీకి పరిచయమైంది రాశి. ఆ సినిమా మంచి విజయం సాధించి మంచి క్రేజ్ తెచ్చిపెట్టింది. అందుకే ఇప్పుడు అరణ్మనై-3 – మేధావి – తుగ్లక్ దర్బార్ – సర్దార్ – సైతాన్ క బచ్చా ఇలా వరుసగా తమిళ సినిమాలలో నటిస్తోంది.
తెలుగులోకూడా రెండు మూడు సినిమాలు ఉన్నాయి ఈ బ్యూటీ చేతిలో.. మారుతి దర్శకత్వంలో గోపీచంద్ నటిస్తున్న పక్కా కమర్షియల్ సినిమాలో నటిస్తుంది ఈ చిన్నది. మారుతి దర్శకత్వంలో గతంలో సాయి ధరమ్ తేజ్ నటించిన ప్రతి రోజు పండగే సినిమాలో నటించింది రాశి. అలాగే నాగచైతన్య హీరోగా తెరకెక్కుతున్న థాంక్యూ సినిమాలో నటిస్తున్న రాశీ ఆ మూవీ షూటింగ్ కోసం ఇటలీ వెళ్లారు. కానీ కరోనా ఆంక్షలతో షూటింగ్ ఆగిపోవటంతో అర్థాంతరంగా ప్యాకప్ చెప్పేసి ఇంటి దారి పట్టారు. ప్రజెంట్‌ ఐసోలేషన్‌లో ఉన్న ఈ బ్యూటీ ఫ్యూచర్‌ మీద ఆశతో ఎదురుచూస్తుంది. ఇలా వరుస సినిమాలతో ఫుల్ బిజీగా ఉంది అందాల రాశి.
మరిన్ని ఇక్కడ చదవండి :