
గ్లోబల్ స్టార్ రామ్ చరణ్, ఉపాసనల గారాల పట్టి క్లీంకార పుట్టిన రోజు నేడు (జూన్ 20). దీంతో మెగా కుటుంబ సభ్యులు, అభిమానులు, నెటిజన్లు ఈ మెగా ప్రిన్సెస్ బర్త్ డే విషెస్ చెబుతున్నారు. కాగా ఇప్పటి వరకు రామ్ చరణ్ దంపతులు తమ పాప క్లీంకార ఫేస్ను మాత్రం రివీల్ చేయలేదు. ఉపాసన అప్పుడప్పుడు తన కూతురి ఫొటోలు సోషల్ మీడియాలో షేర్ చేసిన ఫేస్ ను ఎమోజీలతో కవర్ చేస్తోంది. దీంతో మెగా ప్రిన్సెస్ ను ఎప్పుడెప్పుడు చూద్దామా? అని అభిమానులు ఆసక్తిగా ఎదురు చూస్తున్నారు. క్లీంకార పుట్టిన రోజును పురస్కరించుకుని ఉపాసన సోషల్ మీడియాలో ఒక ఎమోషనల్ పోస్ట్ పెట్టింది. అందులో జూపార్కులో తన గారాల పట్టితో ఎంజాయ్ చేస్తున్న ఫొటోస్ను షేర్ చేస్తూ.. ‘ఒక సంవత్సరం క్రితం, అది కేవలం ఒక చిన్న పులి. నేడు, అది ఒక శివంగి. అయితే అది మా క్లీంకార తో తన పేరును పంచుకుంటోంది. ఈ అందమైన జ్ఞాపకాలనిచ్చిన హైదరాబాద్ జూకు ప్రత్యేక ధన్యవాదాలు. వన్యప్రాణులు అడవిలోనే ఉన్నాయని మేము నమ్ముతున్నాం. కానీ వాటి జీవితాలను గౌరవంగా, జాగ్రత్తగా గౌరవించే ప్రయత్నాలకు కూడా మద్దతు ఇస్తాం. దయ, ధైర్యం మరియు కరుణతో పెరగడం ఇక్కడ ఉంది’ అని రాసుకొచ్చింది ఉపాసన.
ప్రస్తుతం ఉపాసన షేర్ చేసిన ఫొటోలు నెట్టింట వైరల్ గా మారాయి. వీటిని చూసిన సినీ అభిమానులు, నెటిజన్లు క్లింకార కు బర్త్ డే విషెస్ చెబుతున్నారు. అయితే ఈ ఫొటోల్లో క్లీంకార ఫేస్ కొంచెం రివీల్ అయింది. దీంతో మెగా ప్రిన్సెస్ ఎంత క్యూట్గా ఉందో అంటూ క్రేజీ కామెంట్స్ చేస్తున్నారు. కాగా గతంలో హైదరాబాద్లోని నెహ్రూ జూలో ఉన్న ఓ పులి పిల్లకు తన కూతురి పేరుని పెట్టింది ఉపాసన. ఈ విషయాన్ని ఇప్పుడు బయటపెట్టింది రామ్ చరణ్ సతీమణి.
ఇక సినిమాల విషయానికి వస్తే.. ప్రస్తుతం పెద్ది సినిమా షూటింగ్ లో బిజీగా ఉన్నాడు రామ్ చరణ్. ఇందులో బాలీవుడ్ బ్యూటీ జాన్వీ కపూర్ హీరోయిన్ గా నటిస్తోంది. అలాగే కన్నడ సూపర్ స్టార్ శివరాజ్ కుమార్, బాలీవుడ్ నటుడు దివ్యేందు తదితరులు ప్రధాన పాత్రలు పోషిస్తున్నారు.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి . .