Ram Charan: హాలీవుడ్ సినిమాలు చేయాలని ఉందంటున్న రామ్ చరణ్.. మనసులోని కోరిక అదే..
ఈ కార్యక్రమంలో సినిమా విషయాలే కాకుండా వ్యక్తిగత విషయాలను కూడా పంచుకున్నారు. అలాగే తనకు హాలీవుడ్ సినిమాలు చేయాలని ఉందంటూ మనసులోని కోరికను బయటపెట్టారు.
మెగా పవర్ స్టార్ రామ్ చరణ్ ప్రస్తుతం తెలుగు చిత్ర పరిశ్రమ గర్వించే స్థాయిలో ఉన్నారు. గత మూడు రోజులుగా అమెరికా పర్యటనలో బిజీగా ఉన్న సంగతి తెలిసిందే. ఆర్ఆర్ఆర్ సినిమాతో ప్రపంచవ్యాప్తంగా అభిమానులను సంపాదించుకున్న ఈ హీరో పేరు అంతర్జాతీయ స్థాయికి చేరింది. ఈ క్రమంలోనే చెర్రీకి అరుదైన గౌరవం దక్కింది. అమెరికాలోని ప్రముఖ ఛానల్ అమెరికన్ బ్రాడ్ కాస్టింగ్ కంపెనీలో ప్రసారమ్యే గుడ్ మార్నింగ్ అమెరికా షోకు అతిథిగా వెళ్లారు. ఈ కార్యక్రమంలో సినిమా విషయాలే కాకుండా వ్యక్తిగత విషయాలను కూడా పంచుకున్నారు. అలాగే తనకు హాలీవుడ్ సినిమాలు చేయాలని ఉందంటూ మనసులోని కోరికను బయటపెట్టారు.
ఆర్ఆర్ఆర్ సినిమా హాలీవుడ్ సక్సెస్ అని అనిపిస్తుందా అని అడగ్గా.. చరణ్ స్పందిస్తూ.. ట్రిపుల్ ఆర్ సినిమా కోసం తాము ఎంతో కష్టపడ్డామని అన్నారు. అలాగే నాటు నాటు పాటను ఉక్రెయిన్ లోని అందమైన లొకేషన్లలో తీశామని.. షూటింగ్ పూర్తి చేసుకుని ఇండియాకు వచ్చిన తర్వాత కూడా ఒక టూరిస్ట్ గా మళ్లీ ఉక్రెయిన్ కు వెళ్లాలని అనుకున్నానని తెలిపారు. నాటు నాటు పాటకు ఆస్కార్ అవార్డ్ వస్తే ఒక భారతీయుడిగా ఎంతో గర్వపడతానని చెప్పారు. ఆస్కార్ అవార్డుల స్థాయికి భారతీయ సినిమాలు వస్తుండటం సంతోషకరమని అన్నారు. సినిమాకు బాష ఉండదని.. కేవలం భావోద్వేగాలు మాత్రమే ఉంటాయని అన్నారు…
సినిమా నవ్విస్తుంది.. ఏడిపిస్తుంది.. డ్యాన్స్ చేయిస్తుంది.. భయపెడుతుంది కూడా. ఇలా అన్ని చేయిస్తుందని రాజమౌళి చెప్పేవారు. కోవిడ్ సమయంలో భారతీయ సినిమాలను ప్రపంచవ్యాప్తంగా చూశారని అన్నారు. కేవలం భారతీయ సినిమాలే కాకుండా.. హాలీవుడ్ చిత్రాలు కూడా చేయాలనుకుంటున్నానని తన మనసులోని కోరికను బయటపెట్టారు. అలాగే నాటు నాటు పాటను ఉక్రెయిన్ అద్యక్షుడి ఇంటి ముందు 15 రోజులపాటు చిత్రీకరించామని.. ఏడు రోజులు రిహార్సిల్స్ చేశామన్నారు. ఆస్కార్ అవార్డుకు ఈ సాంగ్ నామినేట్ కావడం ఎంతో ఆనందంగా ఉందని.. ఇది భారతదేశ సినీ పరిశ్రమ సాధించిన విజయమని అన్నారు చరణ్.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.