‘RRR’: ఆర్ ఆర్ ఆర్.. ఒక్క తెలుగు ప్రేక్షకులకే కాదు యావత్ దేశం మొత్తం ఈ సినిమాకోసం ఆసక్తిగా ఎదురుచూస్తున్నారు. దర్శక ధీరుడుగా పేరుగాంచిన రాజమౌళి తెరకెక్కిస్తున్న ఈ సినిమాలో మెగా పవర్ స్టార్ రామ్ చరణ్, యంగ్ టైగర్ ఎన్ఠీఆర్ నటిస్తున్న విషయం తెలిసిందే. ఈ ఇద్దరు కలిసి సినిమా చేస్తున్నారని అనౌన్స్ చేసిన దగ్గర నుంచే అభిమానుల్లో అంచనాలు ఆకాశానికి చేరాయి. ఇక రాజమౌళి సినిమా అవడంతో అభిమానుల ఆనందానికి అవధులు లేవు. ఇక ఈ సినిమాలో మెగాపవర్ స్టార్ అల్లూరి సీతారామరాజుగా కనిపిస్తుండగా.. తారక్ కొమురం భీమ్ గా నటిస్తున్నారు. ఈ సినిమానుంచి ఏ చిన్న అప్డేట్ వచ్చిన అది క్షణాల్లో వైరల్ గా మారిపోతుంది.ఇదిలా ఉంటే ఇప్పటికే ఈ సినిమానుంచి చరణ్, తారక్ టీజర్స్ ను విడుదల చేశారు జక్కన్న. ఇక ఇప్పుడు ఈ ఇద్దరినీ కలిపి ఓ టీజర్ లో చూపించడానికి రెడీ అవుతున్నారని తెలుస్తుంది.
ఈ పండుగ సీజన్ లో అభిమానులకు సర్ ప్రైజింగ్ గిఫ్ట్ ఇచేలా జక్కన ఈ సినిమా టీజర్ ను ప్లాన్ చేస్తున్నారని టాక్. ఈ దీపావళికి టీజర్ విడుదల కానుందని అంటున్నారు. మరి ఈవార్తల్లో నిజమెంత అన్నది తెలియదు కానీ ఇప్పుడు ఈ న్యూస్ ఫిలిం సర్కిల్స్ లో తెగ చక్కర్లు కొడుతుంది. ఇక ఈ సినిమాలో బాలీవుడ్ స్టార్ అజయ్ దేవగణ్ కీలక పాత్ర పోషిస్తున్న విషయం తెలిసిందే. అలాగే ఈ సినిమాలో హీరోయిన్లుగా బాలీవుడ్ బ్యూటీ అలియా భట్, హాలీవుడ్ నటి ఒలివియా మోరిస్లు నటిస్తున్నారు. సంక్రాంతి కానుకగా జనవరి 7న ఈ సినిమాను విడుదల చేయనున్నారు.
మరిన్ని ఇక్కడ చదవండి :