Ram Charan : చరణ్ పుటిన రోజున సోషల్ మీడియాను షేక్ చేయడానికి సిద్దమవుతున్న ఫ్యాన్స్..
మెగాస్టార్ చిరంజీవి తనయుడిగా సినిమా ఇండస్ట్రీలోకి ఎంట్రీ ఇచ్చాడు రామ్ చరణ్. మొదటి సినిమానే డైనమిక్ డైరెక్టర్ పూరిజగన్నాథ్ దర్శకత్వంలో చిరుత అనే టైటిల్ తో చేసాడు
Ram Charan : మెగాస్టార్ చిరంజీవి తనయుడిగా సినిమా ఇండస్ట్రీలోకి ఎంట్రీ ఇచ్చాడు రామ్ చరణ్. మొదటి సినిమా డైనమిక్ డైరెక్టర్ పూరిజగన్నాథ్ దర్శకత్వంలో చిరుత అనే టైటిల్ తో చేసాడు. ఈ సినిమా మాస్ ఆడియన్స్ ను విపరీతంగా ఆకట్టుకుంది. ఆతర్వాత దర్శకధీరుడు రాజమౌళి తెరకెక్కించిన మగధీర సినిమా రామ్ చరణ్ కెరియర్ నే మలుపు తిప్పింది. ఈ సినిమా సంచలన విజయం సాధించింది. అప్పటి వరకు ఉన్న రికార్డ్ లన్ని మగధీర బ్రేక్ చేసింది. ఆతర్వాత వరుసగా సినిమాలు చేస్తూ దూసుకు పోతున్నాడు చరణ్.
మాస్ క్లాస్ ఆడియన్స్ ను అలరిస్తూ అభిమానుల చేత మెగాపవర్ స్టార్ అనే బిరుదును సంపాదించుకున్నాడు. ఇక ప్రస్తుతం చరణ్ రాజమౌళి దర్శకత్వంలో ఆర్ఆర్ఆర్ సినిమా చేస్తున్నాడు. ఈ సినిమాలో అల్లూరి సీతారామరాజుగా చరణ్ కనిపించనున్నాడు. అలాగే ఈ సినిమాలో యంగ్ టైగర్ ఎన్టీఆర్ కూడా నటిస్తున్నాడు విషయం తెలిసిందే. ఆ సీనిమాతోపాటు మెగాస్టార్ చిరంజీవి కొరటాల శివ దర్శకతంలో తెరకెక్కుతున్న ఆచార్య సినిమాలో కీలక పాత్రలో నటుస్తున్నాడు. ఇక పోతే రామ్ చరణ్ పుట్టిన రోజుకు అభిమానులంతా ఆతృతగా ఎదురుచూస్తున్నారు. మార్చ్ 27న రాంచరణ్ పుట్టినరోజు. ఆరోజు అభిమానుల హడావిడి మాములుగా ఉండదు. సోషల్ మీడియాను షేక్ చేయడానికి ఇప్పటికే ఫ్యాన్స్ సిద్ధంగా ఉన్నారు. తాజాగా రాంచరణ్ పుట్టినరోజుకు సంబంధించిన కామన్ డీపీ ఒకటి సోషల్ మీడియాలో వైరల్ అవుతోంది. ఈ పోస్టర్ లో చరణ్ లుక్ కూల్ గా ఉంది. బ్యాక్ గ్రౌండ్ లో మెగాపవర్ స్టార్ రామ్ చరణ్ అని రాసిఉంది. మార్చ్ 26న శిల్పకళా వేదికలో గ్రాండ్ బర్త్ డే పార్టీ ఏర్పాటు చేస్తున్నారు. ఈ వేడుకలకు మెగాఫ్యామిలీ మెంబర్లు కూడా హాజరు అవుతారని టాక్. వీరితో పాటు ఆచార్య మేకర్స్ ఆర్ఆర్ఆర్ మేకర్స్ కూడా సందడి చేయనున్నట్లు తెలుస్తుంది.
మరిన్ని ఇక్కడ చదవండి :
Adipurush update: ‘ఆదిపురుష్’ నుంచి క్రేజీ అప్డేట్ రానుందా ? ఆరోజున ప్రభాస్ లుక్ వచ్చే ఛాన్స్..