Amrutham Serial : అమృతం సీరియల్ ఎందుకు ఆపేశారో తెలుసా.. ? అసలు కారణం చెప్పిన ప్రొడ్యూసర్..
తెలుగు బుల్లితెరపై 'అమృతం' ఒక సంచలనం. ఆరు సంవత్సరాల పాటు 313 ఎపిసోడ్లతో ప్రేక్షకులను నవ్వించిన ఈ సీరియల్ సృష్టికర్త గుణ్ణం గంగారాజు. ఒక ఇంటర్వ్యూలో ఆయన మాట్లాడుతూ, ఒక జోక్ బుక్ రాయడం లేదా కామెడీని సృష్టించడం చాలా కష్టమైన పని అని, కానీ ప్రతి ఎపిసోడ్లోనూ కొత్త తరహా హాస్యాన్ని అందించడానికి తమ టీమ్ ఎంతో శ్రమించిందని తెలిపారు.
బుల్లితెరపై ఒకప్పుడు సంచలనం సృష్టించిన సీరియల్ అమృతం. ఈ సీరియల్లోని ప్రతి పాత్ర కూడా సమాజంలోని భిన్న స్వభావాలను ప్రతిబింబిస్తుంది. అమృతరావు, ఆంజనేయులు (అంజి), సర్వం, ,, ఇండ్ల యజమాని అప్పాజీ పాత్రల చుట్టూ తిరిగే ఈ కథలో సిట్యుయేషనల్ కామెడీ అప్పట్లో ప్రేక్షకులను కడుపుబ్బా నవ్వించింది. సమాజంలోని మూఢనమ్మకాలు, రాజకీయాలు, రోజువారీ ఇబ్బందులను సున్నితమైన హాస్యంతో వ్యంగ్యంగా చూపించడం ఈ సీరియల్ ప్రత్యేకత. ప్రముఖ స్క్రీన్ రైటర్ గున్నం గంగరాజు ఓ ఇంటర్వూలో అమృతం సీరియల్కు సంబంధించిన అనేక ఆసక్తికర విషయాలను వెల్లడించారు. 313 ఎపిసోడ్ల పాటు నిరంతరం హాస్యాన్ని పండించడం ఒక జోక్ కాదని, మామూలు స్క్రిప్ట్లు రాయడం కంటే కామెడీ స్క్రిప్ట్లు రాయడం చాలా కష్టమని ఆయన అన్నారు. తనతో పాటు తన సహాయకుడు వాసుకి మరియు బృందం అందరికీ ఈ విషయం బాగా తెలుసని పేర్కొన్నారు. అమృతం సీరియల్ను ప్రారంభించినప్పుడు, ఇది కేవలం జోక్ బుక్ కాదని తన బృందానికి స్పష్టం చేసినట్లు గంగరాజు గుర్తుచేసుకున్నారు. జోక్ బుక్స్లో కథ లేని కారణంగా అవి త్వరగా బోర్ కొడతాయని, అమృతం బలం దాని కథలో ఉందని ఆయన వివరించారు. వింతైన పరిస్థితులను సృష్టించడం ద్వారా హాస్యం సహజంగా పండుతుందని, కేవలం వన్-లైనర్ పంచ్ డైలాగులు కాకుండా, కథాంశం ముందుకు సాగడమే ముఖ్యమని చెప్పారు. ప్రతి వారం ఇద్దరు లేదా ముగ్గురు ప్రధాన పాత్రలతో కామెడీని నిలపడం అంత సులభమైన పని కాదని ఆయన పునరుద్ఘాటించారు.
ఎక్కువ మంది చదివినవి : Rambha : మైఖేల్ జాక్సన్ పక్కన ఉన్నా నాకు ఆ హీరోనే బెస్ట్ డ్యాన్సర్.. హీరోయిన్ రంభ..
ఆరు సంవత్సరాల పాటు నిరంతరాయంగా ప్రసారమైన అమృతం సీరియల్ను ఎందుకు నిలిపివేశారనే ప్రశ్నకు, ఛానెళ్లు సాధారణంగా రేటింగ్స్ తగ్గితే ఆపమని చెబుతాయని, కానీ అమృతం విషయంలో తామే ముందుగా ఆపాలని నిర్ణయించుకున్నామని గంగరాజు తెలిపారు. అప్పటికి సీరియల్ అత్యధిక టీఆర్పీ రేటింగ్స్లో నెంబర్ వన్ లేదా టూ స్థానంలో ఉందని, డబ్బులు చేదు కావని, కానీ సృజనాత్మకంగా “గుజ్జు అంతా అయిపోయింది” అనిపించిందని అన్నారు. 300 వారాలకు పైగా నిరంతరంగా రాయడం వల్ల ఇంకేమి రాయాలనే భావన వచ్చిందని వివరించారు.
ఎక్కువ మంది చదివినవి : Tollywood : జయం సినిమాను మిస్ అయ్యింది.. లేదంటే ఇప్పుడు స్టార్ హీరోయిన్ అయ్యేది.. యాంకరమ్మ బ్యాడ్ లక్..
కామెడీ రాయడం అనేది రచయితలో సహజంగా ఉండాలని, దైనందిన జీవితంలో హాస్యం ఉంటేనే అలాంటి స్క్రిప్ట్లు వస్తాయని ఆయన అభిప్రాయపడ్డారు. ఈస్ట్ గోదావరి ప్రాంత నీటిలోనే కామెడీ ఉందని ఒక పెద్ద మనిషి తనతో చెప్పిన విషయాన్ని పంచుకున్నారు. అయితే అది కేవలం కామెడీ కాదని, వెటకారం మరియు తెలివితేటలు అని, అది తన కుటుంబం నుండే వచ్చిందని, డీఎన్ఏలో ఉందని గంగరాజు పేర్కొన్నారు. అమ్మమ్మ.కామ్, రాధా మధు వంటి తన ఇతర సీరియల్స్లో కూడా డ్రామా ఎప్పుడూ ఇద్దరు, ముగ్గురు వ్యక్తుల మధ్యనే ఉంటుందని చెప్పారు. ఎక్కువ పాత్రలను నిర్వహించడం తనకు కష్టం కాబట్టి, ఇది తన బలహీనత అయినా, దానినే బలంగా మార్చుకుని రాస్తానని తెలిపారు.