Srikanth : ఆ హీరోయిన్ నాకు చాలా స్పెషల్.. నటనలో ఆమె నాకు పోటీగా ఉండేది.. హీరో శ్రీకాంత్..

తెలుగు చలనచిత్ర పరిశ్రమలో తనదైన నటనతో ‘ఫ్యామిలీ హీరో’గా ప్రత్యేక ముద్ర వేసుకున్నారు హీరో శ్రీకాంత్. 100కి పైగా సినిమాల్లో నటించి, నేటికీ విభిన్న పాత్రలతో ప్రేక్షకులను అలరిస్తున్న ఆయన, ఒక ప్రత్యేక ఇంటర్వ్యూలో తన సుదీర్ఘ సినీ ప్రయాణం, వ్యక్తిగత జీవిత విశేషాలను పంచుకున్నారు. శ్రీకాంత్ తన గత చిత్రాలను గుర్తుచేసుకుంటూ, అప్పటి సినిమాల మేకింగ్ విధానం వేరని, ప్రస్తుతం టెక్నాలజీ పరంగా అంతా మారిపోయిందని తెలిపారు. తన కెరీర్‌లో వచ్చిన ‘మహాత్మ’ వంటి చిత్రాలకు విమర్శకుల ప్రశంసలు, నంది అవార్డులు వచ్చినప్పటికీ, ఓవర్ బడ్జెట్ వల్ల అవి కమర్షియల్‌గా ఆశించిన స్థాయిలో రాణించలేకపోయాయని అన్నారు. అందువల్ల సినిమా బడ్జెట్ విషయంలో ఎప్పుడూ జాగ్రత్తగా నిర్మించడం మంచిదని ఆయన అన్నారు.

ఎక్కువ మంది చదివినవి : Soundarya: సౌందర్య భర్త ఇప్పటికీ నాకు ఫోన్ చేస్తాడు.. ఇప్పుడు ఏం చేస్తున్నాడంటే.. హీరోయిన్ ప్రేమ కామెంట్స్..

1999 ప్రాంతంలో వరుస ఫ్లాపుల వల్ల తీవ్ర డిప్రెషన్‌లో ఉన్న సమయంలో మెగాస్టార్ చిరంజీవి తనను పిలిపించి దాదాపు గంటసేపు క్లాస్ తీసుకున్నారని శ్రీకాంత్ వెల్లడించారు. జీవితంలోనూ, సినీ రంగంలోనూ ఒడిదొడుకులు సహజమని, హిట్‌ ఫ్లాపులను ఒకేలా తీసుకోవాలని ఆయన చెప్పిన మాటలు తనకు ఒక ఇంజెక్షన్‌లా పనిచేసి, ధైర్యాన్ని నూరిపోశాయని గుర్తుచేసుకున్నారు. తన భార్య ఊహతో ప్రేమ, వివాహం గురించి మాట్లాడుతూ.. అందం, డబ్బు చూసి కాకుండా, కలిసి సినిమాలు చేసినప్పుడు ఆమె సాఫ్ట్ నేచర్ , మెంటాలిటీ నచ్చి వివాహం చేసుకున్నానని చెప్పారు. ఖాళీ సమయంలో తన స్వస్థలమైన కర్ణాటకలోని గంగావతికి వెళ్లి, భార్యకు ఫోన్ చేసి వంటల గురించి అడిగి తెలుసుకుంటూ స్నేహితులతో కలిసి స్వయంగా చికెన్ వండుకుని తింటానని సరదాగా చెప్పుకొచ్చారు.

ఎక్కువ మంది చదివినవి : Actress : ఒక్క సినిమాలోనే 30 లిప్ లాక్స్ సీన్స్.. దెబ్బకు రాత్రికి రాత్రే స్టార్ అయ్యింది.. ఇప్పుడు ఇలా..

సౌందర్యలో నటనకు సంబంధించి ఒక ప్రత్యేకమైన కసి లేదా ఒక మంచి పోటీ తత్వం ఉండేదని శ్రీకాంత్ పేర్కొన్నారు. తనతో కలిసి నటించిన ‘తారకరాముడు’ సినిమా అనుభవాలను ఆయన గుర్తు చేసుకున్నారు. ఆ సినిమాలో తన పాత్ర చాలా అమాయకంగా ఉంటుందని, కానీ ఆమె పాత్ర మాత్రం ఎంతో మేధోవులైన (ఇంటలెక్చువల్) నటనను కనబరిచే స్థాయి కలిగినదని వివరించారు. షూటింగ్ సమయంలో సౌందర్య పక్కన కూర్చుని, శ్రీకాంత్ ఎలా నటిస్తున్నాడో చాలా జాగ్రత్తగా గమనించేవారని ఆయన చెప్పారు. అలా గమనించి, ఆ నటనకు దీటుగా తాను కూడా ఎలా చేయాలో ప్లాన్ చేసుకునేవారట. అదేవిధంగా ఆమె నటిస్తున్నప్పుడు శ్రీకాంత్ కూడా కూర్చుని ఆమె నటనను నిశితంగా పరిశీలించేవారని తెలిపారు.

ఎక్కువ మంది చదివినవి : Gunashekar: ఆ హీరో చిన్నప్పుడు కూచిపూడి డ్యాన్స్ చేస్తే.. రవింద్రభారతిలో విజిల్స్ మారుమోగాయి.. డైరెక్టర్ గుణశేఖర్..

ఎక్కువ మంది చదివినవి :  Surya S/o Krishnan: హార్ట్ టచింగ్.. కుర్రాళ్ల మనసును కదిలించే సాంగ్.. ‘చంచల’ పాట వెనుక ఇంత స్టోరీ ఉందా..