Nithya Menon: పవన్‌ – రానా సినిమాలో నిత్యామీనన్‌.. పవన్‌కు భార్యగా నటించనున్న మలయాళం ముద్దుగుమ్మ.?

Nithya Menon In Pspkrana

Nithya Menon: పవర్‌ స్టార్‌ పవన్‌ కళ్యాళ్ – రానాలు హీరోలుగా ఓ సినిమా తెరకెక్కుతోన్న విషయం తెలిసిందే. మలయాళంలో సూపర్‌ హిట్‌గా నిలిచిన ‘అయ్యప్పనుమ్‌ కోషియమ్‌’ సినిమాకు రీమేక్‌గా తెరకెక్కుతోన్న ఈ సినిమాను ప్రస్తుతం ప్రొడక్షన్‌ నెం 12 వర్కింగ్‌ టైటిల్‌తో నిర్మిస్తున్నారు. సితార ఎంటర్‌టైన్‌మెంట్స్‌ బ్యానర్‌పై తెరకెక్కుతోన్న ఈ సినిమాపై ఇప్పటి నుంచే భారీ అంచనాలు ఉన్నాయి. ఇప్పటికే విడుదలైన పవన్‌, రానా ఫస్ట్‌లుక్‌ సినిమాపై ఒక్కసారిగా అంచనాలు పెంచేశాయి. ఇక కరోనా నిబంధనలు సడలించడంతో చిత్ర యూనిట్‌ సైతం ఈ సినిమా చిత్రీకరణను వేగంగా పరుగులు పెట్టిస్తోంది.

తాజాగా ఈ సినిమాకు సంబంధించి చిత్ర యూనిట్‌ ఓ కీలక అప్‌డేట్‌ను అందించింది. ఈ సినిమాలో మలయాళ నటి నిత్యా మీనన్‌ నటించనున్నట్లు చిత్ర యూనిట్‌ అధికారికంగా ప్రకటించింది. దాదాపు రెండేళ్లుగా తెలుగు తెరపై కనిపించని నిత్య.. పవన్‌ సినిమాతో మళ్లీ తళుక్కుమనడం విశేషం. నిత్యాకు స్వాగతం పలుకుతూ మూవీ యూనిట్‌ శుక్రవారం ఓ పోస్టర్‌ను విడుదల చేసింది. ఈ చిత్రంలో నిత్య పవన్‌కు భార్యగా నటించనున్నట్లు వార్తలు వస్తున్నాయి. మరి ఇందులో ఎంత వరకు నిజం ఉందో తెలియాలంటే మరికొన్ని రోజులు వేచి చూడాలి. ఇక రానాకు జోడిగా ఐశ్వర్య రాజేశ్‌ నటించనున్నట్లు సమాచారం. ఈ సినిమాను సంక్రాంతికి కానుకగా 2022 జనవరిలో విడుదల చేయనున్నారు. ఇక సాగర్‌ కె చంద్ర దర్శకత్వం వహిస్తున్న ఈ సినిమాకు త్రివిక్రమ్‌ స్క్రీన్‌ప్లేతో పాటు డైలాగ్స్‌ అందిస్తుండడం విశేషం.

నిత్యా మీనన్‌కు స్వాగతం చెబుతూ చేసిన ట్వీట్‌..

Also Read: Anasuya: వెండితెరపై అనుసూయ హవా.. మరో సినిమాలో వినూత్నమైన పాత్రలో…

తెరపైకి మరో బయోపిక్.. ప్రజల మనసులను గెలిచిన ఎమ్మెల్యే జీవిత కథగా..

టాలీవుడ్‏లో పాగా వేసేందుకు సిద్ధమైన హీరోయిన్ ఈ ఫోటోలో ఉంది.. ఎవరో గుర్తుపట్టగలరా ?