NTR 30: సోషల్ మీడియాను షేక్ చేస్తోన్న తారక్ నయా లుక్.. కొరటాల సినిమా కోసమేనా.?
ఇక ఇప్పుడు తారక్ నెక్ట్స్ సినిమా కోసం నందమూరి ఫ్యాన్స్ అంతా ఎంతో ఆసక్తిగా ఎదురుచూస్తున్నారు. తారక్ ప్రస్తుతం కొరటాల శివ దర్శకత్వంలో సినిమా చేస్తున్న విషయం తెలిసిందే.
Updated on: Oct 27, 2022 | 9:08 AM
యంగ్ టైగర్ ఎన్టీఆర్ రీసెంట్ గా పాన్ ఇండియా స్టార్ గా మారిపోయారు. ఆయన నటించిన ఆర్ఆర్ ఆర్సినిమా సంచలన విజయాన్ని అందుకున్న విషయం తెలిసిందే. ఇక ఇప్పుడు తారక్ నెక్ట్స్ సినిమా కోసం నందమూరి ఫ్యాన్స్ అంతా ఎంతో ఆసక్తిగా ఎదురుచూస్తున్నారు. తారక్ ప్రస్తుతం కొరటాల శివ దర్శకత్వంలో సినిమా చేస్తున్న విషయం తెలిసిందే. వరుస విజయాలతో దూసుకుపోతోన్న కొరటాల ఇటీవల ఆచార్య సినిమాతో మొదటి ఫ్లాప్ను అందుకున్నాడు. ఆచార్య సినిమా నిరాశపరచడంతో తారక్ సినిమా పై మరింత ఫోకస్ పెట్టాడు కొరటాల.ఈ క్రమంలోనే ఓ హైఓల్టేజ్ యాక్షన్ ఎంటర్టైనర్ ను సిద్ధం చేశారని తెలుస్తోంది. త్వరలోనే ఈ సినిమా షూటింగ్ మొదలు కానుంది. ఈ సినిమాలో హీరోయిన్ ఎవరు అన్నది ఇప్పుడు హాట్ టాపిక్ గా మారింది. అయితే మొన్నామధ్య ఈ సినిమాలో బాలీవుడ్ బ్యూటీ అలియా భట్ ను హీరోయిన్ గా తీసుకోవాలని చూస్తున్నారని టాక్ వినిపించింది .
ఇదిలా ఉంటే ఇప్పుడు ఈ సినిమాలో తారక్ లుక్ గురించి అభిమానుల్లో ఆసక్తికర చర్చ జరుగుతోంది. ఆర్ఆర్ఆర్ సినిమా కోసం తారక్ చాలా ఛేజ్ అయ్యాడు. కాస్త బరువు కూడా పెరిగాడు. అయితే ఇప్పుడు కొరటాల సినిమా కోసం సన్నగా మారిపోయాడు. తారక్ లేటెస్ట్ ఫొటోస్ సోషల్ మీడియాలో తెగ వైరల్ అవుతున్నాయి. ఇటీవలే ఆర్ఆర్ఆర్ సినిమా ప్రమోషన్స్ లో భాగంగా జపాన్ వెళ్ళాడు తారక్ అక్కడ క్లిక్ మనిపించిన ఫోటోలలో తారక్ చాలా హ్యాండ్సమ్ గా కనిపిస్తున్నారు.
తారక్ స్టైల్ మొత్తం కూడా చాలా డిఫరెంట్ గా ఉంది అని ఫాన్స్ అయితే చాలా ఆనంద పడుతున్నారు. అయితే ఎన్టీఆర్ ఈ షేప్ లోకి రావడానికి ప్రధాన కారణం కొరటాల శివ అని తెలుస్తోంది. ఎన్టీఆర్ 30వ సినిమాలో హీరో క్యారెక్టర్ కు తగ్గట్టుగా తారక్ ఇలా స్లిమ్ గా మారారట. ఇక ఈ సినిమా పాన్ ఇండియా మూవీగా ప్రేక్షకుల ముందుకు రానుంది.
మరిన్ని సినిమా వార్తల కోసం క్లిక్ చేయండి..
