Nandamuri Balakrishna: “ఒక్క అభిమాని దూరమైనా నేను భరించలేను”.. బాలకృష్ణ ఎమోషల్ పోస్ట్..

Balakrishna

Nandamuri Balakrishna: తెలుగు రాష్ట్రాల్లో నందమూరి నటసింహం బాలకృష్ణ కు ఉన్న క్రేజ్ గురించి ప్రత్యేకించి చెప్పాల్సిన అవసరం లేదు. బాలయ్య బాబు సినిమా వస్తుందంటే అంటే అభిమానులకు పండగేనే చెప్పాలి. పూలాభిషేకాలు, పాలాభిషేకాలు ఆ హడావిడి మాములుగా ఉండదు. అదే బాలయ్య పుట్టిన రోజు అంటే అభిమానులకు పండగే.. ప్రతిఏటా బాలయ్య పుట్టిన రోజును అభిమానులు ఘనంగా జరుపుకుంటారు. కానీ ఈ ఏడాది తన పుట్టిన రోజు వేడుకలు నిర్వహించవద్దని విజ్ఞప్తి చేసారు. ఈ మేరకు ఆయన సోషల్ మీడియాలో ఓ పోస్ట్ షేర్ చేసారు. ” నా ప్రాణ సమానులైన అభిమానులకు .. ప్రతిఏటా జూన్ 10 వతేదీ నాపుట్టినరోజునాడు నన్ను కలిసేందుకు నలుదిక్కులనుండీ తరలివస్తున్న మీ అభిమానానికి సర్వదా విధేయుడ్ని . కానీ కరోనా విలయతాండవం చేస్తున్న ఈ విపత్కర పరిస్థితుల్లో మీరు రావటం అభిలషణీయం కాదు . నన్నింతటివాడ్ని చేసింది మీఅభిమానం.  ఒక్క అభిమాని దూరమైనా నేను భరించలేను . మీ అభిమానాన్ని మించిన ఆశీస్సు లేదు. మీ ఆరోగ్యాన్ని మించిన శుభాకాంక్ష లేదు. మీ కుటుంబం తో మీరు ఆనందంగా గడపటమే నా జన్మదినవేడుక . దయచేసి రావద్దని మరీ మరీ తెలియజేస్తూ .ఈ విపత్కాలంలో అసువులు బాసిన నా అభిమానులకూ కార్యకర్తలకూ అభాగ్యులందరికీ నివాళులర్పిస్తూ ..మీ నందమూరి బాలకృష్ణ”అంటూ రాసుకోచ్చారు.

ప్రస్తుతం బాలయ్య బోయపాటి శ్రీను దర్శకత్వంలో అఖండ అనే సినిమా చేస్తున్నారు. ఈ సినిమాలో బాలయ్య రెండు విభిన్న పాత్రల్లో కనిపించనున్నారు. కంప్లీట్ యాక్షన్ ఎంటర్టైనర్ గా ఈ సినిమా తెరకెక్కుతుంది. కరోనా కారణంగా ఈ సినిమా షూటింగ్ ఆలస్యం అవుతూ వస్తుంది. అలాగే గోపీచంద్ మలినేని దర్శకత్వంలో ఓ సినిమా చేస్తున్నారు బాలకృష్ణ ఈ సినిమా ఫ్యాక్షన్ బ్యాక్ డ్రాప్ లో ఉండనుందని టాక్. అలాగే బాలయ్య తో సినిమా చేయాలనీ అనీల్ రావిపూడి ప్రయత్నాలు చేస్తున్నాడు.

మరిన్ని ఇక్కడ చదవండి :

Chiranjeevi: క్రేజీ న్యూస్.. మెగాస్టార్ చిరంజీవి లూసిఫర్ తెలుగు రీమేక్ సెట్స్ పైకి వెళ్ళేది అప్పుడేనా..

Puri Jagannath: మరోసారి ఆ మెగా హీరోతో డాషింగ్ డైరెక్టర్ పూరీజగన్నాథ్ సినిమా.. ఫ్యాన్స్ కు పూనకాలే..