Pushpa Movie: బన్నీ సాహసాన్ని మెచ్చుకుంటున్న సినీ విశ్లేషకులు.. పుష్పరాజ్‌‌కు పాత్రను న్యాయం చేశాడంటూ..!!
టాలీవుడ్ ఇండస్ట్రీలో అడవుల నేపథ్యంలో చాలా సినిమాలు తెరకెక్కాయి. అయితే ఇప్పుడు వినూత్న నేపథ్యంలో రూపొందుతున్న
టాలీవుడ్ ఇండస్ట్రీలో అడవుల నేపథ్యంలో చాలా సినిమాలు తెరకెక్కాయి. అయితే ఇప్పుడు వినూత్న నేపథ్యంలో రూపొందుతున్న సినిమాలకు డిమాండ్ పెరుగుతుంది. ఇదే తరుణంలో ఇప్పుడు ప్రేక్షకుల ముందుకు పుష్ప..ది రైజ్ సినిమా రాబోతుంది. ఈ సినిమా కూడా అడవిలో సాగే కథే అని ముందుగానే డైరెక్టర్ సుకుమార్ హింట్ ఇచ్చాడు. ఫస్ట్ పోస్టర్ నుంచి సినిమా ఎలా ఉండబోతుందో.. హీరో క్యారెక్టరైజేషన్ ఎలా ఉండబోతుందో క్లారిటీ ఇస్తూ సినిమాపై బజ్ క్రియేట్ చేశారు మేకర్స్. ఇదిలా ఉంటే.. శేషాచలం అడవుల్లో ఎర్రచందనంకు భారీగా డిమాండ్ ఉంటుంది. ఎర్రచందనం ఎక్కడ పట్టుబడినా దాని మూలాలు శేషాచలం కొండల్లోనే ఉంటాయి. శేషాలచలం కొండల్లో పెరుగుతున్న ఈ సూపర్ ఫైన్ క్వాలిటీ ఎర్ర చందనం కోసం ప్రాణాలకు తెగించి గడపదాటిస్తున్నారు స్మగ్లర్లు. ఎర్ర చందనం ప్రపంచంలో అత్యంత విలువైన కలపగా గుర్తింపు పోందింది. దీన్ని ఎర్ర బంగారం అని కూడా ముద్దుగా పిలుస్తుంటారు.. అయితే ఇది మ‌న ఆంధ్రప్రదేశ్ లో తప్ప ప్రపంచంలో మరెక్కడా పెరగదు, దోర‌క‌దు. ఆంధ్ర ప్రదేశ్ లో కూడా కేవలం నాలుగు జిల్లాలలో మాత్రమే పెరుగుతుంది. చిత్తూరు, కడప, కర్నూలు, నెల్లూరు జిల్లాలలో విస్తరించి వున్న నల్లమల అడవులలో మాత్రమే ఈ ఎర్ర చందనం చెట్లు పెరుగుతాయి. ఇక్కడి నుండే అక్రమ స్మగ్లింగ్ కుడా జ‌రుగుతుంటుంది.
ఇప్పుడు ఇదే కథాంశంను వెండితెరపై సినిమాగా తీసుకున్నారు క్రియేటివ్ డైరెక్టర్ సుకుమార్.. ఇందులో ఐకాన్ స్టార్ అల్లు అర్జున్ హీరోగా నటించడం మరో విశేషం. అది కూడా స్టార్ హీరో స్మగ్లర్ పాత్రలో కనిపించనుడడంతో సినిమాపై భారీగా అంచనాలు ఏర్పడ్డాయి. మునుపెంచని కనిపించని ఊరమాస్ లుక్లో బన్నీ కనిపించనున్నాడు. హీరో అంటే పోలీస్ గెటప్స్ లోనూ.. లేదంటే విలన్స్ అంతు చూసే క్యారెక్టర్స్ లోనూ కనిపిస్తుంటారు.. కానీ ఇప్పుడు పుష్పలో మాత్రం బన్నీ పూర్తిగా పోలీసులకు దొరకని ఓ స్మగ్లర్ పాత్రలో నటించడం సాహసమే అంటున్నారు సినీ విశ్లేషకులు. ఇప్పటి వరకు విడుదలైన టీజర్స్, ట్రైలర్ చూశాక.. బన్నీ పుష్పరాజ్ పాత్రకు పూర్తిగా న్యాయం చేశాడంటున్నారు ప్రేక్షకులు.. అభిమానులు. ఇక సినిమా విడుదలైన తర్వాత పుష్ప రాజ్ పాత్రను అంత సులువుగా మర్చిపోలేరంటున్నారు చిత్రయూనిట్. ఈ సినిమా విడుదలైన తర్వాత ఎలాంటి రికార్డ్స్ క్రియేట్ చేస్తుందో అనేది చూడాలి. ఇందులో బన్నీ సరసన కన్నడ బ్యూటీ రష్మిక మందన్నా హీరోయిన్గా నటిస్తుండగా.. విలన్ పాత్రలో మలయాళ స్టార్ ఫహద్ పాజిల్ కనిపించనున్నాడు. మైత్రీ మూవీ మేకర్స్ నిర్మిస్తున్న ఈ మూవీలో సునీల్, అనసూయ కీలక పాత్రలలో నటిస్తున్నారు. పుష్ప సినిమా కోసం ప్రేక్షకులు ఎంతో ఆసక్తిగా ఎదురుచూస్తున్నారు. ఎట్టకేలకు రేపు (డిసెంబర్ 17న) థియేటర్లలో పుష్పరాజ్.. శ్రీవల్లీ సందడి చేయనున్నారు.
Rashmika Mandanna: రష్మికను దారుణంగా ట్రోల్ చేసిన నెటిజన్.. దిమ్మతిరిగే కౌంటర్ ఇచ్చిన కన్నడ బ్యూటీ..