Manchu Lakshmi: ఆడపడుచు అంటే నీలా ఉండాలి! మౌనిక డెలివరీ టైంలో అన్నీ తానై చూసుకున్న మంచు లక్ష్మి

Manchu Lakshmi, Manchu Mano

టాలీవుడ్ రాక్ స్టార్ మంచు మనోజ్ తండ్రిగా ప్రమోషన్ పొందాడు. అతని భార్య మౌనికా రెడ్డి రెండు రోజుల క్రితం ఏప్రిల్ 13న పండంటి ఆడబిడ్డకు జన్మనిచ్చింది. ఈ విషయాన్ని మంచు మనోజ్ సోదరి, మంచు లక్ష్మి సోషల్ మీడియా ద్వారా అభిమానులతో పంచుకుంది. అలాగే పాపకు ఎమ్ ఎమ్‌ పులి (మంచు మనోజ్ పులి) అని ముద్దు పేరు పెట్టినట్లు సోషల్ మీడియా పోస్టులో తెలిపింది. కాగా మౌనిక ప్రసవ సమయంలో మంచు లక్ష్మీ అన్నీ దగ్గరుండి చూసుకున్నట్లు తెలుస్తోంది. ఆస్పత్రిలోనే ఉంటూ ప్రతిక్షణం మౌనికకు ధైర్యం చెబుతూ తోడుగా ఉంది. ప్రసవం అనంతరం మనోజ్, మౌనిక, లక్ష్మితో పాటు ఆస్పత్రి వైద్యులు దిగిన ఫొటో ఇప్పుడు సామాజిక మాధ్యమాల్లో తెగ వైరలవుతోంది. ఇక మంచు మనోజ్, మౌనికల ప్రేమ వివాహం గతేడాది మార్చిలో జరిగింది. ఈ పెళ్లి తన నివాసంలో దగ్గరుండి మరీ చేయించింది మంచు లక్ష్మి. ఇప్పుడు కూడా మౌనిక డెలివరీ సమయంలో దగ్గరుండి మరీ అన్నీ తానై చూసుకుంది. ఈ సందర్భంగా మరోసారి మేనత్తగా మారినందుకు తెగ సంబర పడిపోతుందామె.

ఈ నేపథ్యంలో మంచు లక్ష్మిని చూసి ప్రశంసలు కురిపిస్తున్నారు అభిమానులు. ‘అప్పుడు పెళ్లి నీ చేతుల మీదుగా జరిపించావు.. ఇప్పుడు డెలివరీ సమయంలో మౌనికకు అండగా ఉండి అన్నీ దగ్గరుండి చూసుకున్నావు. ఆడపడుచు అంటే నీలా ఉండాలమ్మా’ అని మంచు లక్ష్మిపై ప్రశంసలు కురిపిస్తున్నారు. మంచు మనోజ్, మౌనిక గతేడాది మార్చిలో రెండో వివాహం చేసుకున్నారు.అప్పటికే మౌనికకు ధైరవ్ అనే కుమారుడు ఉన్నాడు. మంచు లక్ష్మి దగ్గరుండి మరీ వీరి పెళ్లి ఏర్పాట్లు చేసింది.

ఇంటి దగ్గర పాపతో మనోజ్, మౌనిక దంపతులు.. వీడియో ఇదిగో..

మంచు లక్ష్మి ట్వీట్..

మరిన్ని సినిమా వార్తల కోసం ఇక్కడ క్లిక్ చేయండి.