Khiladi​ Movie : మాస్ బీట్స్‌తో మారుమ్రోగించిన దేవీశ్రీ.. ఆకట్టుకుంటున్న ఖిలాడి టైటిల్ సాంగ్

|

Nov 04, 2021 | 4:48 PM

మాస్ రాజా రవితేజ వరుస సినిమాలతో ఫుల్ జోష్ మీద ఉన్నాడు. బ్యాక్ టు బ్యాక్ సినిమాలను లైన్‌లో పెట్టిన రవితేజ .. ఆయా సినిమాల షూటింగ్స్‌తో ఫుల్ బిజీగా ఉన్నాడు .

Khiladi​ Movie : మాస్ బీట్స్‌తో మారుమ్రోగించిన దేవీశ్రీ.. ఆకట్టుకుంటున్న ఖిలాడి టైటిల్ సాంగ్
Raviteja
Follow us on

Khiladi​: మాస్ రాజా రవితేజ వరుస సినిమాలతో ఫుల్ జోష్ మీద ఉన్నాడు. బ్యాక్ టు బ్యాక్ సినిమాలను లైన్‌లో పెట్టిన రవితేజ .. ఆయా సినిమాల షూటింగ్స్‌తో ఫుల్ బిజీగా ఉన్నాడు. ఈ క్రమంలోనే రమేష్ వర్మ దర్శకత్వంలో ఖిలాడి అనే సినిమా చేస్తున్నాడు. ఈ సినిమా షూటింగ్ పూర్తి చేసుకొని విడుదలకు సిద్ధంగా ఉంది. ఇప్పటికే ఈ సినిమానుంచి విడుదలైన పోస్టర్లు పాటలు ప్రేక్షకులను ఆకట్టుకున్నాయి. ఈ సినిమాలో డింపుల్ హయతి. మీనాక్షి చౌదరి హీరోయిన్‌లుగా నటిస్తున్నారు. డ్యూయల్ రోల్‌లో నటిస్తున్న రవితేజ ఖిలాడీపై.. ఇప్పటికే అంచనాలు భారీగా పెరిగాయి. యాక్షన్ కింగ్ అర్జున్ విలన్‌గా నటిస్తున్న ఈ సినిమాలో, ముఖేశ్ రుషి .. సచిన్ కేద్కర్ .. రావు రమేశ్ .. మురళీశర్మ ముఖ్యమైన పాత్రల్లో కనిపించనున్నారు. ఇక ప్రత్యేకమైన పాత్రలో అనసూయ మెరవనుంది. రాక్ స్టార్ దేవీశ్రీ ప్రసాద్ సంగీతం అందించనున్నారు.

తాజాగా ఈ సినిమానుంచి టైటిల్ సాంగ్‌ను విడుదల చేశారు. ఈ సినిమా సస్పెన్స్ థ్రిల్లర్ గా తెరకెక్కిందని తెలుస్తుంది. ఈ సినిమాలో రవితేజ డిఫరెంట్ పాత్రలో కనిపించనున్నాడు. ఇక తాజాగా దీపావళి కానుకగా విడుదలైన టైటిల్ సాంగ్ ఆకట్టుకుంటుంది. శ్రీ మణి సాహిత్యం అందించిన ఈ పాట సినిమాలో హీరో పాత్రను తెలియజేసేలా ఉంది. ఖిలాడి టైటిల్ సాంగ్ మంచి మాస్ బీట్స్ తో సాగింది. రవితేజ మార్క్ మానరిజంతో పాటు ఆకట్టుకునే విజువల్స్ తో ఈ పాట సాగుతుందని లిరికల్ వీడియోలో చూపించారు. ఈ పాట పై మీరూ ఓ లుక్కెయండి.

మరిన్ని ఇక్కడ చదవండి : 

Akhanda: నెక్స్ట్ లెవల్.. బాలయ్య విశ్వరూపం.. అఖండ టైటిల్ సాంగ్ ప్రోమో అదిరిందిగా..

Shakini -Dakini: ఇద్దరు ముద్దుగుమ్మల యాక్షన్ సీక్వెన్స్‌లు.. “శాకిని -డాకిని”గా రెజీనా, నివేద

Peddanna : రజినీకాంత్ గారు ఇచ్చిన అతి పెద్ద ప్రశంస అదే.. ఆసక్తికర విషయం వెల్లడించిన దర్శకుడు శివ..