Kajal Aggarwal: చందమామ మళ్ళీ ఫామ్లోకి రానుందా..? రీ ఎంట్రీకి రెడీ అవుతున్న కాజల్
లక్ష్మీ కళ్యాణం సినిమాతో హీరోయిన్ గా పరిచయం అయ్యింది కాజల్ అగర్వాల్. ఆతర్వాత కృష్ణవంశీ తెరకెక్కించిన చందమామ సినిమాతో మంచి హిట్ ను అందుకుంది.
లక్ష్మీ కళ్యాణం సినిమాతో హీరోయిన్ గా పరిచయం అయ్యింది కాజల్ అగర్వాల్(Kajal Aggarwal). ఆ తర్వాత కృష్ణవంశీ తెరకెక్కించిన చందమామ సినిమాతో మంచి హిట్ ను అందుకుంది. ఆ వెంటనే రాజమౌళి దర్శకత్వంలో మెగా పవర్ స్టార్ రామ్ చరణ్ హీరోగా వచ్చిన మగధీర సినిమాలో అవకాశం అందుకుంది. ఈ సినిమా భారీ విజయాన్ని సొంతం చేసుకుంది. ఆ తర్వాత వరుసగా స్టార్ హీరోల సరసన ఛాన్స్ దక్కించుకుంది. తక్కువ సమయంలోనే కాజల్ స్టార్ హీరోయిన్ గా ఎదిగింది. తెలుగులో దాదాపు అందరు స్టార్ హీరోలతో సినిమాలు చేసింది ఈ వయ్యారి. ఇక తమిళ్ లోనూ సత్తా చాటింది కాజల్ అగర్వాల్. అటు బాలీవుడ్ లోనూ తన అదృష్టాన్ని పరీక్షించుకుంది ఈ అమ్మడు.
ఇక కాజల్ అగర్వాల్ గౌతమ్ కిచ్లును పెళ్లాడిన విషయం తెలిసిందే. ఇటీవలే ఓ బాబుకు కూడా జన్మనిచ్చింది కాజల్. అయితే కాజల్ చివరిగా నటించిన తెలుగు సినిమా ఆచార్య. కానీ ఏమైందో ఏమో కానీ కాజల్ నటించిన సన్నివేశాలను సినిమానుంచి తొలగించారు. ఇక ఇంతకాలం గ్యాప్ తీసుకున్న కాజల్. ఇప్పుడు రీ ఎంట్రీ ఇవ్వడానికి రెడీ అవుతుందని తెలుస్తుంది. ప్రగ్నెన్సీ సమయంలో కాస్త బొద్దుగా మారిన కాజల్. ఇప్పుడు తిరిగి సన్నగా, గ్లామరస్ గా మారుతుంది. గతంలో కాజల్ సినిమాల నుంచి పూర్తిగా తప్పుకుంటుందని వార్తలు కూడా వినిపించాయి. అయితే ఈ వార్తల పై కాజల్ స్పందించలేదు. ఇక ఇప్పుడు ఈ అమ్మడు రీఎంట్రీ కి రెడీ అవుతుందని.. అందుకు తగ్గట్టుగా ఫిట్ నెస్ పై దృష్టి పెడుతోందని టాక్ వినిపిస్తుంది. వీలైనంత త్వరగా కాజల్ సినిమాల్లోకి రీ ఎంట్రీ ఇవ్వాలని ప్రయత్నిస్తుందని వార్తలు ఫిలిం సర్కిల్స్ లో చక్కర్లు కొడుతున్నాయి. మరి ఈవార్తల్లో వాస్తవమెంత అన్నది తెలియాల్సి ఉంది.