Prabhas: భారీ బడ్జెట్‌‌‌‌తో తెరకెక్కుతోన్న ప్రభాస్ సినిమా.. ఎంతో తెలిస్తే దిమ్మతురుగుద్ది
రెబల్ స్టార్ ప్రభాస్ నటిస్తున్న భారీ సినిమాల్లో నాగ్ అశ్విన్ సినిమా ఒకటి. ప్రాజెక్ట్ కే అనే వర్కింగ్ టైటిల్తో ఈ సినిమా తెరకెక్కుతోంది.
Prabhas: రెబల్ స్టార్ ప్రభాస్ నటిస్తున్న భారీసినిమాల్లో నాగ్ అశ్విన్ సినిమా ఒకటి. ప్రాజెక్ట్ కే అనే వర్కింగ్ టైటిల్తో ఈ సినిమా తెరకెక్కుతోంది. సైన్స్ ఫిక్షన్ కథాంశంతో ఈ సినిమా తెరకెక్కబోతోందని తెలుస్తోంది. ఇక ఈ సినిమా బాలీవుడ్ బ్యూటీ దీపికాపదుకొనే, అలాగే కీలక పాత్రలో అమితాబ్ బచ్చన్ నటించనున్నారు. ఈ సినిమా షూటింగ్‌‌‌ను ఇటీవలే ప్రారంభించారు. అమితాబ్ బచ్చన్ పై కొన్ని కీలక సన్నివేశాలను కూడా చిత్రీకరిస్తున్నారు. త్వరలోనే ప్రభాస్ ఈ సెట్ లోకి అడుగుపెట్టనున్నాడు. బాహుబలి ఫార్మాట్‌‌‌లో జాతీయ అంతర్జాతీయ మార్కెట్ ని దృష్టిలో పెట్టుకుని ఈ సినిమాను నిర్మిస్తున్నారు నిర్మాతలు. దాదాపు 500కోట్ల బడ్జెట్ తో ఈ సినిమా తెరకెక్కుతోందని తెలుస్తోంది. ఇక ఈ సినిమాలో స్టార్ హీరోయిన్ సమంత – పృథ్వీరాజ్ కుమారన్ కీలక పాత్రల్లో నటించనున్నారని వార్తలు వస్తున్నాయి. వైజయంతి మూవీస్ నిర్మిస్తున్న ఈ సినిమాకు మిక్కీ జె మేయర్ సంగీతం అందిస్తున్నారు.
ఇక ప్రభాస్ నటిస్తోన్న రాధేశ్యామ్ సినిమా షూటింగ్ పూర్తిచేసుకొని విడుదలకు సిద్ధంగా ఉంది. 1980లలో యూరప్ నేపథ్యంలో సాగే రొమాంటిక్ లవ్ స్టోరి ఇది. ఈ సినిమాలో బుట్టబొమ్మ పూజాహెగ్డే హీరోయిన్ గా నటిస్తోంది. ఈ సినిమాతోపాటు బాలీవుడ్ దర్శకుడు ఓం రౌత్ దర్శకత్వంలో ఆదిపురుష్ అనే సినిమా చేస్తున్నాడు. ఈ సినిమా రామాయణ నేపథ్యంలో తెరకెక్కబోతోంది. వీటితోపాటు కేజీఎఫ్ దర్శకుడు ప్రశాంత్ నీల్ డైరెక్షన్ లో సలార్ అనే సినిమా చేస్తున్నాడు. ఈ సినిమా షూటింగ్ కూడా మొదలుపెట్టేశాడు డార్లింగ్. ఈ సినిమాలో ప్రభాస్ మాఫియా డాన్ గా కనిపించనున్నాడని టాక్.
మరిన్ని ఇక్కడ చదవండి :