Venu Thottempudi : మాస్ రాజా మూవీతో రీఎంట్రీ ఇవ్వనున్న ఫ్యామిలీ హీరో వేణు..
ఒకప్పుడు హీరోగా నటించి మెప్పించిన వేణు తొట్టెంపూడి ఆతర్వాతఎక్కువ కనిపించలేదు. “స్వయం వరం” వంటి హిట్ సినిమాతో మంచి గుర్తింపు..
Venu Thottempudi : ఒకప్పుడు హీరోగా నటించి మెప్పించిన వేణు తొట్టెంపూడి ఆతర్వాతఎక్కువ కనిపించలేదు. “స్వయం వరం” వంటి హిట్ సినిమాతో మంచి గుర్తింపు తెచ్చుకున్న ఈ హీరో చింతకాయల రవి సినిమాలో నటించాడు. ఆతర్వాత యంగ్ టైగర్ ఎన్టీఆర్ నటించిన దమ్ము సినిమాలో చిన్న పాత్రలో కనిపించి మెప్పించాడు. ఆతర్వాత పూర్తిగా సినిమాలకు దూరమయ్యారు. అయితే ఇప్పుడు ఆయన రీఎంట్రీ ఇవ్వనున్నారని తెలుస్తోంది. అదికూడా మాస్ మహారాజ్ రవితేజ సినిమాతో అని తెలుస్తోంది. రవితేజ 68వ చిత్రంగా “రామారావు ఆన్ డ్యూటీ” తెరకెక్కుతున్న విషయం తెలిసిందే. ఇప్పటికే ఈ సినిమానుంచి పోస్టర్ల విడుదల చేశారు చిత్రయూనిట్. ఈ పోస్టర్లకు మంచి రెస్పాన్స్ వస్తోంది. ఈ సినిమాలో ఓ ప్రభుత్వ అధికారిగా కనిపించనున్నాడు రవితేజ. తాజాగా సినిమా నుంచి ఓ ఆసక్తికరమైన అప్డేట్ ను పంచుకున్నారు. ‘రామారావు’ కోసం మరో హీరో డ్యూటీలో చేరుతున్నట్టు ప్రకటించారు. శరత్ కుమార్ మండవ ఈ సినిమాకు దర్శకత్వం వహిస్తోన్న విషయం తెలిసిందే.
“రామారావు ఆన్ డ్యూటీ” మూవీని సుధాకర్ చెరుకూరి ఎస్ఎల్వి సినిమాస్ ఎల్ఎల్పి, ఆర్టి టీంవర్క్స్ బ్యానర్ ల పై నిర్మిస్తున్నారు. “రామారావు ఆన్ డ్యూటీ” మూవీని సుధాకర్ చెరుకూరి ఎస్ఎల్వి సినిమాస్ ఎల్ఎల్పి, ఆర్టి టీంవర్క్స్ బ్యానర్ ల పై నిర్మిస్తున్నారు. ఈ సినిమా కథ వాస్తవ సంఘటన ఆధారంగా తెరకెక్కుతోందని తెలుస్తోంది. ప్రస్తుతం ఈ సినిమా షూటింగ్ దశలో ఉంది. ఈ మూవీలో మజిలి’ ఫేమ్ దివ్యాన్ష కౌశిక్, మలయాళ నటి రజీషా విజయన్ హీరోయిన్లుగా నటిస్తున్నారు. సామ్ సిఎస్ సంగీతం అందిస్తున్నారు.
మరిన్ని ఇక్కడ చదవండి :