Kartikeya Gummakonda : మరో రొమాంటిక్ ఎంటర్టైనర్ లో కార్తికేయ.. హీరోయిన్ ఎవరో తెలుసా..
కార్తికేయ గుమ్మకొండ.. ఆర్ఎక్స్ 100 సినిమాతో సంచలన విజయాన్ని సొంతం చేసుకున్నాడు ఈ యంగ్ హీరో. అయితే ముందుగా ‘ప్రేమతో మీ కార్తిక్’ అనే సినిమాతో ఇండస్ట్రీకి ఎంట్రీ ఇచ్చాడు కార్తికేయ.
కార్తికేయ గుమ్మకొండ.. ఆర్ఎక్స్ 100 సినిమాతో సంచలన విజయాన్ని సొంతం చేసుకున్నాడు ఈ యంగ్ హీరో. అయితే ముందుగా ‘ప్రేమతో మీ కార్తిక్’ అనే సినిమాతో ఇండస్ట్రీకి ఎంట్రీ ఇచ్చాడు కార్తికేయ. అయితే ఈ సినిమాతో ఫేమ్ సంపాదించుకోని కార్తికేయ అనంతరం వచ్చిన ‘ఆర్ఎక్స్100’ ఒక్కసారిగా క్రేజ్ సంపాదించుకున్నాడు. ఈ సినిమాలో తన అద్భుత నటనతో ఒక్కసారిగా ఇండస్ట్రీని తనవైపు తిప్పుకున్నాడీ యంగ్ హీరో. ఇటీవల చావు కబురు చల్లగా సినిమాతో ప్రేక్షకుల ముందుకు వచ్చాడు. ఈ సినిమా ఆశించిన స్థాయిలో ప్రేక్షకులను ఆకట్టుకోలేక పోయింది. ప్రస్తుతం కార్తికేయ హీరోగా ‘రాజా విక్రమార్క’ నిర్మితమవుతోంది. ఈ సినిమాలో ఆయన విభిన్నమైన పాత్రలో నటిస్తున్నాడు. కార్తికేయ పాత్ర స్వరూప స్వభావాలుచాలా కొత్తగా ఉంటాయని తెలుస్తుంది.ఈ సినిమాలో హీరోయిన్ గా తాన్య రవిచంద్రన్ అలరించనుంది. అలాగే ఈ సినిమా తోపాటు మరో సినిమాను కూడా పట్టాలెక్కిస్తున్నాడు ఈ కుర్ర హీరో.
ఈ సినిమాలో కార్తికేయ రొమాంటిక్ హీరోగా కనిపించనున్నాడని టాక్. బడా బ్యానర్ యువీ క్రియేషన్స్ భారీ సినిమాలు తీస్తూ వస్తున్నారు. దానికి అనుబంధ సంస్థగా యూవీ కాన్సెప్ట్స్ ను ఏర్పాటు చేసుకుని ఓ మాదిరి బడ్జెట్ సినిమాలను నిర్మిస్తున్నారు. అలా ఇటీవల వచ్చిన ‘ఏక్ మినీ కథ’ సక్సెస్ అయింది. దాంతో వాళ్లు మరో ప్రాజెక్టును సెట్ చేస్తున్నారు. ఈ సినిమాలో కార్తికేయ హీరో అని తెలుస్తుంది. ప్రశాంత్ అనే నూతన దర్శకుడు ఈ సినిమాతో పరిచయం అవ్వనున్నాడు. ఈ సినిమాలో చిలసౌ ఫేమ్ రుహాని శర్మ ఎంపిక చేశారట చిత్రయూనిట్. ఈ సినిమాకు సంబంధించిన మరిన్ని వివరాలు త్వరలోనే తెలియనున్నాయి.
మరిన్ని ఇక్కడ చదవండి :