Tollywood: కృష్ణుడి గెటప్‏లో ఈ హీరోయిన్ ఎవరో గుర్తుపట్టండి.. ఆమె పేరులోనే కన్నయ్య ప్రేమంతా దాగుంది..

Actress

తెలుగు చిత్రపరిశ్రమలో ఎన్నో సూపర్ హిట్స్ చిత్రాలలో నటించి స్టార్ హీరోయిన్‏గా మెప్పించిన ముద్దుగుమ్మల గురించి చెప్పక్కర్లేదు. 80-90’s చేతి నిండా సినిమాలతో అగ్రకథానాయికలుగా వెలిగిన అలనాటి అందాల తారలు.. ఇప్పుడు ఇండస్ట్రీకి దూరంగా ఉంటున్నారు. కొందరు సెకండ్ ఇన్నింగ్స్ స్టార్ట్ చేసి సహయనటులుగా అలరిస్తుంటే..మరికొందరు మాత్రం కుటుంబానికి తమ పూర్తి సమయాన్ని కేటాయిస్తున్నారు. తాజాగా ఓ సీనియర్ హీరోయిన్ అందమైన ఫోటో నెట్టింట వైరలవుతుంది. పైన ఫోటోను చూశారు కదా.. నల్లనయ్య ఆ కృష్ణ పరమాత్ముడిగా మారిన ఆ అమ్మాయి ఒకప్పుడు మన తెలుగు చిత్రపరిశ్రమలో స్టార్ హీరోయిన్. మెగాస్టార్ చిరంజీవి.. బాలకృష్ణ వంటి అగ్రకథానాయకులతో స్క్రిన్ షేర్ చేసుకుంది. ముఖ్యంగా చిరుకు బెస్ట్ ఫ్రెండ్. వీరిద్దరి కాంబోలో వచ్చిన చిత్రాలు బ్లాక్ బస్టర్ హిట్ అయ్యాయి. ఎవరో గుర్తుపట్టండి. ఇప్పుడిప్పుడే సెకండ్ ఇన్నింగ్స్ షూరు చేసింది. అంతేకాదు.. ఈ హీరోయిన్ కూతురు కూడా కథానాయికే. తెలుగులో పలు చిత్రాల్లో నటించి మెప్పించినప్పటికీ తల్లి సంపాదించిన స్టార్ డమ్ అందుకోలేకపోయింది. దీంతో రెండు మూడు చిత్రాలు చేసి తర్వాత సైలెంట్ అయ్యింది. ఇంతకీ కృష్ణయ్యగా మారిన ఈ హీరోయిన్ ఎవరో గుర్తుపట్టారా ?.. తనే అలనాటి అందాల తార రాధ.

తెలుగుతోపాటు.. తమిళ్, మలయాళ ప్రేక్షకులకు పరిచయం అవసరం లేని హీరోయిన్ రాధ. దర్శకుడు భారతీరాజా తెరకెక్కించిన అలైగల్ ఓవతిల్లై సినిమాతో రాధా సినీరరంగ ప్రవేశం చేసింది. ఆ తర్వాత రజినీకాంత్, కమల్ హాసన్ తో సినిమాలు చేసింది. అలాగే తెలుగులో గోపాలకృష్ణుడు, అత్తకు తగ్గ అల్లుళ్లు.. రాక్షసుడు, నాగు, ఆయుధం, అడవి దొంగ చిత్రాల్లో నటించింది.

చేతినిండా సినిమాలతో బిజీగా ఉన్న సమయంలోనే తమ బంధువైన మణి అనే వ్యాపారవేత్తను వివాహం చేసుకుని ముంబైలో స్థిరపడ్డారు. పెళ్లి తర్వాత సినిమాలకు గుడ్ బై చెప్పిన రాధ.. ప్రస్తుతం బిజినెస్ రంగంలో రాణిస్తున్నారు. ఆమె పెద్ద కూతురు కార్తిక ఇండస్ట్రీలోకి అడుగుపెట్టింది. అక్కినేని నాగచైతన్య తొలి చిత్రం జోష్ మూవీతో తెలుగు తెరకు పరిచయమైంది. ఇదిలా ఉంటే.. నిన్న మలయాళీల పవిత్ర ఫేస్టివల్ విషు సందర్భంగా తాను కృష్ణుడిగా గెటప్ వేసుకున్న అరుదైన ఫోటోను పంచుకున్నారు రాధా.

మరిన్ని సినిమా వార్తల కోసం ఇక్కడ క్లిక్ చేయండి.