Actress: అద్దంలో అందాల తార.. పవన్‌ కల్యాణ్‌తో స్క్రీన్‌ షేర్‌ చేసుకోనున్న ఈ సుందరాంగిని గుర్తించారా?
పై ఫొటోలో అద్దంలో తన అందాన్ని చూసుకుంటూ మురిసిపోతున్న ముద్దుగుమ్మను గుర్తుపట్టారా? కర్ణాటకకు చెందిన ఈ బ్యూటీ తెలుగుతో పాటు తమిళ్‌లో సినిమాలు చేసింది. చేసింది కొన్ని చిత్రాలే అయినా తన అందంతో కుర్రాళ్ల మనసును కొల్లగొట్టింది. తన క్యూట్‌ ఎక్స్‌ప్రెషన్స్‌ కు చాలామంది ఫ్యాన్స్ ఉన్నారు.
పై ఫొటోలో అద్దంలో తన అందాన్ని చూసుకుంటూ మురిసిపోతున్న ముద్దుగుమ్మను గుర్తుపట్టారా? కర్ణాటకకు చెందిన ఈ బ్యూటీ తెలుగుతో పాటు తమిళ్‌లో సినిమాలు చేసింది. చేసింది కొన్ని చిత్రాలే అయినా తన అందంతో కుర్రాళ్ల మనసును కొల్లగొట్టింది. తన క్యూట్‌ ఎక్స్‌ప్రెషన్స్‌ కు చాలామంది ఫ్యాన్స్ ఉన్నారు. టాలీవుడ్‌తో పాటు కోలీవుడ్‌లోనూ యంగ్‌ హీరోలతో విజయాలు అందుకుందీ ముద్దుగుమ్మ. అయితే ఎందుకో కానీ ఆఫర్లు దక్కించుకోలేకపోతోంది. తెలుగులో నటించి సుమారు మూడేళ్లవుతోంది. ఇక మళ్లీ టాలీవుడ్‌కు రాదేమో అనుకున్న తరుణంలో ఓ బంపరాఫర్‌ ఆమె తలుపు తట్టింది. పవర్‌ స్టార్‌ పవన్‌ కల్యాణ్‌ తో స్క్రీన్‌ షేర్‌ చేసుకునే ఛాన్స్‌ వచ్చింది. ఈ పాటికే ఈ ముద్దుగుమ్మ ఎవరో మీకు అర్థమై ఉంటుంది. ఆమె మరెవరో కాదు గ్యాంగ్‌ లీడర్‌ సినిమాలో నానితో కలిసి సందడి చేసిన ప్రియాంక అరుల్‌ మోహన్‌. అందులో తన అమాయకపు నటన, ఎక్స్‌ ప్రెషన్స్‌ తో అందరినీ ఆకట్టుకుందీ అందాల తార. ఆతర్వాత శర్వానంద్‌తో శ్రీకారం సినిమాలో నటించింది. అయితే ఈ సినిమా పెద్దగా ఆడకపోవడంతో కోలీవుడ్‌లో తన అదృష్టాన్ని పరీక్షించుకుంది.
శివకార్తికేయన్‌తో కలిసి డాక్టర్‌, డాన్‌ వంటి సినిమాల్లో నటించిన ప్రియాంక సూర్యతో కలిసి ఈటీ మూవీలో సందడి చేసింది. ప్రస్తుత అక్కడ వరుసగా సినిమాలు చేస్తోందీ సొగసరి. అయితే మూడేళ్ల తర్వాత మళ్లీ ఓ తెలుగు సినిమాలో నటించే అవకాశం దక్కింది. సుజిత్‌ దర్శకత్వంలో పవన్‌ కల్యాణ్‌ చేస్తోన్న ఓజీ సినిమాలో హీరోయిన్‌గా ప్రియాంక ఎంపికైంది. త్వరలోనే ఆమె షూటింగ్‌లో జాయిన్‌ కానుంది. సినిమాలతో పాటు సోషల్‌ మీడియాలో బిజీగా ఉండే ప్రియాంక తాజాగా ఇన్‌స్టాగ్రామ్‌లో కొన్ని ఫొటోలను షేర్‌ చేసింది. ఇందులో వైట్‌ డ్రెస్‌లో పాలరాతి శిల్పంలా కనిపిస్తూ కనువిందు చేసింది ప్రియాంక. ప్రస్తుతం ఈ ఫొటోలు నెట్టింట్లో వైరల్‌గా మారాయి.
మరిన్ని సినిమా వార్తల కోసం క్లిక్ చేయండి..