యాక్షన్‌ కింగ్‌ అర్జున్‌తో ఉన్న ఈ అబ్బాయి ఎవరో గుర్తుపట్టారా? ఈ సౌతిండియన్‌ స్టార్‌ హీరో అంటే అందరికీ గౌరవమే
బాలనటుడిగానే మంచి గుర్తింపు తెచ్చుకున్నాడు. ఆతర్వాత హీరోగానూ ఎంట్రీ ఇచ్చి వరుస విజయాలు అందుకున్నాడు. సొంత భాషలోనే సినిమాలు చేసినా అతనంటే దక్షిణది ప్రేక్షకులందరికీ ఎంతో పరిచయం. అందుకు కారణం సినిమాలతో పాటు అతను చేస్తున్న సామాజిక సేవా కార్యక్రమాలే. అనాథ శరణాలయాలు నిర్వహించాడు.
పై ఫొటోలో యాక్షన్‌ కింగ్‌ అర్జున్‌ చేతుల్లో ఉన్న ఈ అబ్బాయిని గుర్తుపట్టారా? ఇతను సౌతిండియాలో ఫేమస్‌ హీరో. తండ్రి వారసత్వాన్ని నిలబెడుతూ సినిమా ఇండస్ట్రీలోకి అడుగుపెట్టాడు. బాలనటుడిగానే మంచి గుర్తింపు తెచ్చుకున్నాడు. ఆతర్వాత హీరోగానూ ఎంట్రీ ఇచ్చి వరుస విజయాలు అందుకున్నాడు. సొంత భాషలోనే సినిమాలు చేసినా అతనంటే దక్షిణది ప్రేక్షకులందరికీ ఎంతో పరిచయం. అందుకు కారణం సినిమాలతో పాటు అతను చేస్తున్న సామాజిక సేవా కార్యక్రమాలే. అనాథ శరణాలయాలు నిర్వహించాడు. పేద చిన్నారులకు ఉచిత విద్య, వసతి కల్పించాడు. అయితే మంచి వాళ్లను దేవుడు త్వరగా తన దగ్గరకు తీసుకెళతాడట. ఈ మాట నిజమో కాదో తెలియదు కానీ ఈ హీరో విషయంలో మాత్రం నిజమైంది. సినిమాలు, సేవా కార్యక్రమాలతో సౌతిండియన్‌ పవర్‌ స్టార్‌గా వెలుగొందిన అతను హఠాత్తుగా కన్నుమూశారు. గుండెపోటుతో చనిపోయి అందరినీ విషాదంలో ముంచేశాడు. ఈ పాటికే అర్థమై ఉంటుంది మనం ఎవరి గురించి మాట్లాడుతున్నామో. అతను మరెవరో కాదు.. కొన్ని నెలల క్రితం అర్ధాంతరంగా మనల్ని వదిలి వెళ్లిపోయిన పునీత్ రాజ్‌ కుమార్‌.
కన్నడ నాట పవర్‌ స్టార్‌గా అశేష అభిమానులను సొంతం చేసుకున్న పునీత్ రాజ్‌ కుమార్‌ 2021 అక్టోబర్‌ 29న గుండెపోటుతో ఈ లోకాన్ని విడిచి వెళ్లిపోయాడు. జిమ్ చేస్తుండగా.. హార్ట్ స్ట్రోక్ రావడంతో ఆయనను వెంటే ఆసుపత్రికి తరలించగా.. డాక్టర్స్ ఎంత ప్రయత్నించిన ఆయనను కాపాడుకోలేకపోయారు. ఆయన హఠాన్మరణంతో సినిమా ఇండస్ట్రీ మొత్తం విషాదంలో మునిగిపోయింది. ఇప్పటికీ ఆయన మరణ వార్తను చాలామంది జీర్ణించుకోలేకపోతున్నారంటే అతి శయోక్తి కాదు. ఇక యాక్షన్‌ కింగ్‌తో పునీత్ ఫ్యామిలీకి మంచి అనుబంధం ఉంది. అందులో భాగంగానే ఓ సందర్భంగా పునీత్‌ను ఎత్తుకుని సరదాగా ఫొటో దిగారు అర్జున్‌. ఆ ఫొటోనే ఇది.
Puneeth Raj Kumar
మరిన్ని సినిమా వార్తల కోసం ఇక్కడ క్లిక్ చేయండి.