Pushpa: బొమ్మ బ్లాక్ బస్టర్ అంటున్నారు.. యూఏఈ నుంచి పుష్ప ఫస్ట్ రివ్యూ..
ఐకాన్‌ స్టార్‌ అల్లు అర్జున్‌ 'పుష్ప' ప్రభంజనం మొదలయ్యేందుకు మరికొన్ని గంటలే మిగిలి ఉన్నాయి
ఐకాన్‌ స్టార్‌ అల్లు అర్జున్‌ ‘పుష్ప’ ప్రభంజనం మొదలయ్యేందుకు మరికొన్ని గంటలే మిగిలి ఉన్నాయి. క్రియేటివ్‌ డైరెక్టర్‌ ప్రతిష్ఠాత్మకంగా తెరకెక్కించిన ఈ ప్రతిష్ఠాత్మక చిత్రం రేపు (డిసెంబర్17) ప్రపంచవ్యాప్తంగా విడుదల కానుంది. ఇప్పటివరకు బన్నీని స్టైలిష్‌ పాత్రల్లోనే చూసిన అభిమానులు తొలిసారిగా ఊర మాస్‌ పుష్పరాజ్‌గా చూసేందుకు ఉవ్విళ్లూరుతున్న తరుణంలో ముందుగానే సినిమా రివ్యూ వచ్చేసింది. ప్రముఖ సినీ విశ్లేషకుడు, దుబాయ్‌ సెన్సార్‌ బోర్డు సభ్యుడు ఉమైర్‌ సంధు తరచూ సినిమా విడుదలకు ముందే రివ్యూలను వెల్లడిస్తుంటాడు. తాజాగా అతను పుష్ప సినిమాకు కూడా రివ్యూ ఇచ్చేశాడు. ఫస్ట్ హాఫ్‌ అద్భుతంగా ఉందని మెచ్చుకున్న ఆయన సినిమా మొత్తం చూశాక ‘పుష్ప’ ఈ ఏడాదిలోనే ఉత్తమ టాలీవుడ్‌ చిత్రంగా నిలుస్తుందన్నారు. ‘ అల్లు అర్జున్‌ కెరీర్‌లో ఈ సినిమా మరొక మైలురాయి అని కచ్చితంగా చెప్పవచ్చు. లారీ డ్రైవర్‌గా ఊరమాస్‌ అవతారంలో బన్నీ అదరగొట్టాడని, ఆయన అభిమానులకు పూనకాలు రావడం ఖాయం.
‘పుష్పరాజ్‌ ప్రేయసి శ్రీవల్లి పాత్రలో రష్మిక అద్భుతంగా నటించింది. ఇంటర్వెల్ బ్యాంగ్‌, సామ్‌ స్పెషల్ సాంగ్ అదిరిపోయాయి. డైరెక్టర్‌ క్రియేటివిటీకి తగ్గట్లే సినిమా కథ, స్క్రీన్‌ప్లే, డైలాగ్స్‌ ఓ రేంజ్‌లో ఉన్నాయి. వింటర్‌ బ్లాక్ బస్టర్‌ని ఎంజాయ్‌ చేయండి’ అని సినిమాకు ఏకంగా నాలుగు స్టార్ల రేటింగ్‌ ఇచ్చారు ఉమైర్‌. కాగా ఈ సినిమాలో బన్నీ, రష్మికలతో పాటు అనసూయ, సునీల్‌, ఫాహద్‌ ఫజిల్‌ తదితరులు ప్రధాన పాత్రలు పోషిస్తున్నారు. దేవిశ్రీ అందించిన పాటలు యూట్యూబ్‌ను షేక్‌ చేస్తున్నాయి. సామ్‌ స్పెషల్ సాంగ్ అయితే మిలియన్ల వ్యూస్‌ అందుకుంటోంది. విడుదలకు ముందే ఇన్ని సంచలనాలు సృష్టించిన ‘పుష్ఫ’ రిలీజ్ తర్వాత మరెన్ని ప్రభంజనాలు సృష్టిస్తాడో చూడాలి.
