Drishyam 2 : భారీ వర్షాల కారణంగా దెబ్బతిన్న సినిమా సెట్.. ఆలోచనలో పడ్డ దృశ్యం2 మేకర్స్..
మలయాళం మంచి విజయాన్ని అందుకున్న సస్పెన్స్ థ్రిల్లర్ దృశ్యం. మోహన్ లాల్, మీనా నటించిన ఈ సినిమా తెలుగులో రీమేక్ అయినా విషయం తెలిసిందే.
Drishyam 2 :
మలయాళం మంచి విజయాన్ని అందుకున్న సస్పెన్స్ థ్రిల్లర్ దృశ్యం. మోహన్ లాల్, మీనా నటించిన ఈ సినిమా తెలుగులో రీమేక్ అయినా విషయం తెలిసిందే. తెలుగులో విక్టరీ వెంకటేష్, మీనా నటించారు. ఇటీవలే ఈ సినిమాకు సీక్వెల్ దృశ్యం 2ను తెరకెక్కించారు. ఇప్పుడు ఈ సీక్వెల్ కూడా తెలుగులో రీమేక్ చేయనున్నారు. ఇప్పటికే ఈ సినిమా షూటింగ్ ను కూడా మొదలు పెట్టేసారు. దృశ్యం 2 కు సురేశ్ బాబు ఒక నిర్మాతగా వ్యవహరిస్తున్నారు. ఈ సినిమాను మలయాళంలో కేవలం 45 రోజుల్లోనే తీసాడు దర్శకుడు జీతూ జోసెఫ్. థియేటర్స్ జోలికి వెళ్లకుండా ఫిబ్రవరి 19న అమెజాన్ ప్రైమ్ వీడియోలో నేరుగా విడుదల చేసారు.
అయితే తెలుగులో రీమేక్ అవుతున్న దృశ్యం 2 కూడా ఓటీటీ వేదికగానే విడుదలవుతుందని గత కొన్ని రోజులుగా వార్తలు చక్కర్లు కొడుతున్నాయి. ఓటీటీ ఫ్లాట్ ఫామ్ కి చెందిన ఒక ప్రముఖ సంస్థవారు భారీ ఆఫర్ ఇవ్వడంతో నిర్మాతలు అంగీకరించారనీ, అందువలన ఈ సినిమా ఓటీటీ ద్వారానే రానుందనే టాక్ నడుస్తుంది. తాజాగా ఈ సినిమా షూటింగ్ సెట్ కూలిపోయినట్లు తెలుస్తుంది. ఇటీవల కేరళలో కురిసిన వర్షాలకు.. ఆకస్మికంగా సంభవించిన తుఫాన్ కారణంగా దృశ్యం సెట్ డామేజ్ అయిపోయిందట. అయితే దృశ్యం-2 షూటింగ్ ఇంకాస్త మిగిలి ఉండటంతో ఆ షూటింగ్ ఇప్పట్లో జరపడం వీలు కాదు కాబట్టి.. కరోనా పరిస్థితి నుండి బయట పడగానే ఆ మిలిగిన వర్క్ కంప్లీట్ చేయాలనీ మేకర్స్ భావిస్తున్నారట. ఇప్పటికే తుఫాన్ వర్షాల కారణంగా వేరే సినిమాల సెట్స్ కూడా డామేజ్ అయ్యాయని తెలిసిందే.
మరిన్ని ఇక్కడ చదవండి :