SS Rajamouli: ఆ స్థాయిలో సినిమాలు తీయడం నాకు చాలా కష్టం.. ఆర్ఆర్ఆర్ పై రాజమౌళి ఆసక్తికర కామెంట్స్..

Rajamouli

దర్శకధీరుడు రాజమౌళి తెరకెక్కించే సినిమాపై ఆడియన్స్‏కు ఉండే అంచనాల గురించి తెలిసిందే. రాజమౌళి సినిమా బాక్సాఫీస్ వద్ద సంచలనం సృష్టించడం ఖాయమే. చిన్న హీరో అయినా.. స్టార్ హీరో అయినా.. రాజమౌళి దర్శకత్వంలో మూవీ చేస్తే సక్సెస్ అయినట్టే అంటుంటారు. రాజమౌళి సినిమా ప్రారంభం నుంచి అంచనాలు రోజు రోజూకీ పెరుగుతుంటాయి. ఇక ఇప్పుడు ప్రేక్షకుల ఎదురుచూపులు మొత్తం ఆర్ఆర్ఆర్ మూవీపైనే ఉన్నాయి. అత్యంత ప్రతిష్టాత్మకంగా రామ్ చరణ్, తారక్ ప్రధాన పాత్రలో తెరకెక్కిస్తున్న ఈ సినిమా కోసం ఆత్రుతగా ఎదురుచూస్తున్నారు. ఇప్పటికే ఈ సినిమా నుంచి విడుదలైన ట్రైలర్ యూట్యూబ్‏లో సంచలనం సృష్టిస్తోంది. ఈ క్రమంలో శుక్రవారం ఆర్ఆర్ఆర్ చిత్రయూనిట్‏తో కలిసి బెంగుళూరులో విలేకరుల సమావేశం నిర్వహించారు. ఇందులో విలేకరులు అడిగిన ప్రశ్నలకు ఆర్ఆర్ఆర్ టీం సమాధానమిచ్చారు.

ఈ సందర్భారంగా రాజమౌళి మాట్లాడుతూ.. అల్లూరి సీతారామరాజు.. కొమురం భీంలలో ఉన్న ఎనలేని స్పూర్తిని తీసుకుని ఈ సినిమా చేశాం. హిస్టరీతో సంబంధం ఉండదు. బ్రిటిష్ ప్రభుత్వానికి వ్యతిరేకంగా వారిద్దరూ పోరాటం చేశారనేది ఆర్ఆర్ఆర్ సినిమా ద్వారా చూపించాం. హాలీవుడ్ స్టార్స్‏తో మనం ఎందుకు సినిమాలు చేయాలి . మన దగ్గర చాలా మంచి నటులు ఉన్నారు . వాళ్ళతో హాలీవుడ్ స్థాయిలో సినిమాలు తీయడమే నాకు ఇష్టం. బహుబలి సినిమాని తమిళ ప్రజలు ఆదరించారు. ఈ సినిమా కూడా అదే స్థాయిలో ఉంటుంది. రజినీకాంత్ లాంటి గొప్ప నటులతో నేను సినిమా చేయాలంటే అంతే స్థాయిలో మంచి కథ ఉండాలి. పెద్ద హీరోల కోసం సినిమా తీయడం కరెక్ట్ కాదు. స్టోరీ మాత్రమే గొప్ప నటులను జనానికి పరిచయం చేస్తుంది అంటూ చెప్పుకొచ్చారు రాజమౌళి.

ఇక ఆర్ఆర్ఆర్ ట్రైలర్‏కు భారీ స్పందన వస్తుండడంతో రాజమౌళి సంతోషం వ్యక్తం చేశారు. అన్ని ప్రాంతాల నుంచి ఆర్ఆర్ఆర్ ట్రైలర్‏కు వస్తున్న స్పందనతో తమ టీం అంతా చాలా ఎంజాయ్ చేస్తోందని.. ఈ భారీ స్పందన పట్ల ఏం మాట్లాడాలో అర్థం కావడం లేదంటూ ట్వీట్ చేశారు రాజమౌళి.

ట్వీట్..

Also Read: రికార్డ్స్ సృష్టిస్తోన్న ఆర్ఆర్ఆర్ ట్రైలర్.. హైదరాబాద్‏లో ప్రెస్‏మీట్ లైవ్..

Rajinikanth: పెద్దన్న దర్శకుడి ఇంటికెళ్లిన తలైవా..శివ ఫ్యామీలికి సర్‌ప్రైజ్‌ గిఫ్ట్‌! ..

Bigg Boss 5 telugu: కంటెస్టెంట్స్ పై ఆడియన్స్ ప్రశ్నల వర్షం.. షణ్ముఖ్‏కు చుక్కలు చూపించారుగా..