sonu sood: పాన్ ఇండియా మూవీలో హీరోగా సోనూసూద్.. డైరెక్ట్ చేయబోతున్న టాలీవుడ్ డైనమిక్ డైరెక్టర్…
రియల్ లైఫ్లో హీరోగా పిలిపించుకుంటున్న సోనుసూద్.. రీల్ లైఫ్లోను హీరోగా వరుస అవకాశాలను దక్కించుకుటున్నారు.
sonu sood: రియల్ లైఫ్లో హీరోగా పిలిపించుకుంటున్న సోనుసూద్.. రీల్ లైఫ్లోను హీరోగా వరుస అవకాశాలను దక్కించుకుటున్నారు. ఇప్పటికే క్రిష్ డైరెక్షన్లో ఓ పాన్ ఇండియా మూవీకి కమిట్ అయిన సోను సూద్.. మరో స్టార్ డైరెక్టర్ డైరెక్షన్లో సినిమా చేసేందుకు రెడీ అవుతున్నారు. ఇప్పుడిదే విషయం అటు ఇండస్ట్రీలోనూ.. ఇటు సోషల్ మీడియాలోనూ తెగ వైరల్ అవుతోంది. సోను సూద్ను “సూపర్” సినిమాతో టాలీవుడ్ కు పరిచయం చేసిన పూరీ జగన్నాథ్.. ఆయనతో ఓ సినిమా తీసేందుకు రెడీ అవుతున్నారట. మహేష్ బాబుతో తెరకెక్కించేందుకు ఎప్పుటి నుంచో పట్టుకు కూర్చున్న “జనగణమన” స్క్రిప్ట్ను ఇప్పుడు సోనుసూద్తో తెరకెక్కించాలని భావిస్తున్నారట పూరీ . అందుకోసం చకాచకా ఏర్పాట్లు కూడా చేస్తున్నారట.
ఇప్పటికే స్టోరీ విన్న సోనుసూద్ ఇమ్మీడియట్గా చేసేద్దాం అంటూ పూరీకి కమిట్మెంట్ ఇచ్చారట. పూరీ కనెక్ట్ బ్యానర్లో.. భారీ బడ్జెట్తో పాన్ ఇండియా రేంజ్లో ఈ సినిమాను తెరకెక్కించేందుకు పూరీ ప్లాన్ చేస్తున్నారట. ఇదే కనుక వర్కౌవుట్ అయితే మరో స్టార్ హీరోగా సోనుసూద్ను పూరీ తయారు చేయడం ఖాయం అంటూ.. ఫిల్మ్ వర్గాలు విశ్లేషిస్తున్నాయి. మరి ముందు ముందు ఏం జరుగుతుందో ఏంటో చూడాలి !. ప్రస్తుతం పూరీ విజయ్ దేవరకొండ తో కలిసి లైగర్ అనే సినిమా చేస్తున్నాడు.
మరిన్ని ఇక్కడ చదవండి :