Actress: అందుకే బూతు సినిమాల్లో నటించాను.. ఇన్నాళ్లకు అసలు విషయం చెప్పిన ప్రముఖ నటి
సినిమా ఇండస్ట్రీలో సుమారు నాలుగు దశాబ్దాలుగా నటిగా కొనసాగుతుందీ అందాల తార. అయితే గతంలో ఈమె చేసిన కొన్ని బోల్డ్ సినిమాలు తీవ్ర చర్చనీయాంశమయయ్యాయి. తాజాగా ఈ సినిమాలపై స్పందించిన ఆమె తానెందుకు ఇలా చేయాల్సిందో చెప్పుకొచ్చారు. ప్రస్తుతం ఇందుకు సంబంధించిన వీడియో వైరల్ గా మారింది.
‘గోల్మాల్’, ‘ఖల్నాయక్’, ‘కింగ్ అంకుల్’ వంటి చిత్రాలతో పాటు అనేక సీరియల్స్లో నటించిన నటి సుష్మిత ముఖర్జీ, ఇటీవల సోషల్ మీడియాలో ఒక వీడియోను పోస్ట్ చేశారు. ఈ వీడియోలో, ఆమె ఒక అభిమాని అడిగిన ప్రశ్నకు నటి చాలా నిజాయితీగా సమాధానమిచ్చారు. మీరు కొన్ని చెత్త సినిమాల్లో ఎందుకు నటించారు?’ అని ఒకరు అడగ్గా, ఆమె దాని వెనుక ఉన్న అసలు కారణాన్ని చెప్పారు. ఈ వీడియోలో, ఆమె తన జీవితంలోని అత్యంత కష్టకాలం గురించి నిష్కపటంగా మాట్లాడారు. ఆ సమయంలో ఆమె నిర్మాణ సంస్థ దివాళా తీయడంతో, ఆమె కోటి రూపాయల అప్పులో కూరుకుపోయారు. ఇంకా ఆ వీడియోలో ఆమె మాట్లాడుతూ.. ‘నా జీవితంలోని ఆ సమయాన్ని గుర్తు చేసుకుంటే, నాకు చాలా అసౌకర్యంగా అనిపిస్తుంది. మహిళలను అవమానించే అలాంటి సి-గ్రేడ్ చిత్రాలలో నేను ఎందుకు నటించానో అని ఆశ్చర్యపోతాను. నేను మంచి చిత్రాలలో కూడా నటించాను. నిజమే, కొన్ని పాత్రలు చాలా చెడ్డవిగా ఉన్నాయి, కానీ నేను అశ్లీల చిత్రాలలో నటించలేదు. దేవుడి దయవల్ల నేను చెడ్డ చిత్రాలనే ఎంచుకున్నాను. దాని కోసం నేను నా ఆత్మను అమ్ముకున్నానా? అవును. దాని గురించి నేను సంతోషంగా ఉన్నానా? అప్పుడు నాకు సంతోషంగా అనిపించలేదు, ఈ రోజు కూడా అస్సలు సంతోషంగా లేను. కానీ ఆ పరిస్థితి ముందు నేను నిస్సహాయురాలిని అయ్యాను.
“2002లో, నేను, నా భర్త మా మీడియా కంపెనీని కోల్పోయాం. ఆ తర్వాత, మాకు కోటి రూపాయల అప్పు పడింది. మాతో పాటు ట్రాక్ సినిమా, అనిల్ చౌదరి ప్రొడక్షన్స్ కూడా ఉండేవి.. మేమందరం దివాళా తీశాం. ఎందుకంటే ఆ సమయంలో సాంకేతికతలో ఒక కొత్త శకం వచ్చింది. దాని గురించి మాకు ఏమీ అర్థం కాలేదు. అందుకే సహజంగానే మా కంపెనీ దివాళా తీసింది. అప్పులిచ్చిన వాళ్ళు మా ఇంటికే వచ్చేవారు. రికవరీ ఏజెంట్లు మమ్మల్ని తిట్టేవారు. అది చాలా కష్టకాలం. నా పిల్లలు చిన్నవాళ్ళు. అందుకే దొరికిన ఏ పనినైనా ఒప్పుకున్నాను. దాని ద్వారానే నేను అప్పు తీర్చాల్సి వచ్చింది. దానికోసం, నేను, నా భర్త 3-4 ఏళ్ళు చాలా కష్టపడ్డాము. అందుకే నేను ఆ పనంతా చేయాల్సి వచ్చింది. నేను అలాంటి నిర్ణయాలు తీసుకోవలసి వచ్చింది’
పిల్లల విద్య కోసం తప్పలేదు..
‘అప్పుడే నా పిల్లలను చదువు కోసం విదేశాలకు పంపించాను. నా కూతురు చదువులో చాలా ప్రతిభావంతురాలు. తర చదువు కోసం నేను ఎక్కువ డబ్బు సంపాదించాల్సి వచ్చింది. నిజానికి, నాకు ఏమాత్రం పశ్చాత్తాపం లేదు. నేను వారికి మంచి విద్యను అందించాను, ఇప్పుడు వారు తమ కాళ్ళ మీద తాము నిలబడ్డారు. డబ్బు సంపాదించడానికి ప్రతి వ్యక్తికి వారి వారి కారణాలు ఉంటాయి. కానీ ఇప్పుడు నేను జీవితంలో రాజీ పడాల్సిన అవసరం లేదని భావించే దశకు చేరుకున్నాను. మేము కళాకారులం, మాకు ఎల్లప్పుడూ ఎంపికలు ఉండవు. మేము చాలా పెద్ద వ్యవస్థలో ఒక చిన్న భాగం. కొన్నిసార్లు ఇంటిని నడపడానికి మా ఇష్టానికి వ్యతిరేకంగా పనిచేయాల్సి వస్తుంది’ అని వీడియోలో చెప్పుకొచ్చారు సుస్మిత. ప్రస్తుతం ఈ వీడియో నెట్టింట వైరల్ గా మారింది.
సుస్మితా ముఖర్జీ వీడియో..
మరిన్ని సినిమా వార్తల కోసం ఇక్కడ క్లిక్ చేయండి