Kriti Sanon: మహేశ్ సాంగ్‌కు స్టెప్పులేసిన బాలీవుడ్ ముద్దుగుమ్మ.. 8 ఏళ్ల నాటి పాటను మర్చిపోకుండా దింపేసిందిగా
కృతి నటించిన తాజా చిత్రం భేదియా. వరుణ్‌ ధావన్‌ హీరోగా నటిస్తున్న ఈ చిత్రాన్ని తెలుగులో తోడేలు పేరుతో ప్రముఖ నిర్మాత అల్లు అరవింద్‌ విడుదల చేస్తున్నారు. ఇప్పటికే అన్ని హంగులు పూర్తి చేసుకున్న ఈ చిత్రం నవంబర్‌ 25న ఈ చిత్రం ప్రేక్షకుల ముందుకు రానుంది.
క్రియేటివ్‌ డైరెక్టర్‌ సుకుమార్‌- మహేశ్ బాబుల క్రేజీ కాంబినేషన్లో వచ్చిన సినిమా వన్- నేనొక్కడినే. ఈ సినిమాతోనే టాలీవుడ్‌కు పరిచయమైంది కృతీ సనన్‌. ఆ తర్వాత నాగచైతన్య సరసన దోచెయ్‌లో కనిపించింది. ఆ తర్వాత బాలీవుడ్కు చెక్కేసి స్టార్‌ హీరోయిన్‌గా గుర్తింపు తెచ్చుకుంది. హీరో పంటి, దిల్‌వాలే, రాబ్తా, బరేలి కీ బర్ఫీ, లుకా చుప్పి, పానిపట్‌, మిమి సినిమాలతో అటు అందం, అభినయం పరంగా తనకంటూ ఓ మంచి గుర్తింపు తెచ్చుకుంది. ఈ వరుసలో కృతి నటించిన తాజా చిత్రం భేదియా. వరుణ్‌ ధావన్‌ హీరోగా నటిస్తున్న ఈ చిత్రాన్ని తెలుగులో తోడేలు పేరుతో ప్రముఖ నిర్మాత అల్లు అరవింద్‌ విడుదల చేస్తున్నారు. ఇప్పటికే అన్ని హంగులు పూర్తి చేసుకున్న ఈ చిత్రం నవంబర్‌ 25న ఈ చిత్రం ప్రేక్షకుల ముందుకు రానుంది. దీంతో ప్రమోషన్‌ కార్యక్రమాలను స్పీడ్‌ పెంచింది చిత్రబృందం. ఇందులో భాగంగా తోడేలు టీమ్‌ హైదరాబాద్‌లో సందడి చేసింది.ఈ సందర్భంగా కృతీసనన్‌ మహేశ్ బాబు పాటకు కాలు కదిపింది.
మహేత్ తో కలిసి ఆమె నటించిన వన్-నేనొక్కడినే చిత్రంలోని ‘హల్లో రాక్‌స్టార్‌.. ఐ ఎం యువర్ ఏంజెల్ పాటకు డ్యాన్స్‌ చేసింది అలరించింది. కాగా ఈ సినిమా 2014లో విడుదలైంది. అయినప్పటికీ ఆ స్టెప్పులు మర్చిపోకుండా అద్భుతంగా డ్యా్న్స్‌ వేసిన కృతిపై మహేశ్ ఫ్యాన్స్‌ ప్రశంసలు కురిపిస్తున్నారు. ఇక కృతి ప్రస్తుతం ప్రభాస్‌ సరసన ఆది పురుష్‌లో నటిస్తోంది. ఇందులో ఆమె సీత పాత్రలో కనిపించనుంది. అలాగే గణ్‌పత్‌, షెహ్‌జాద తదితర క్రేజీ ప్రాజెక్టులతో బిజీగా గడుపుతోంది.
మరిన్ని సినిమా వార్తల కోసం క్లిక్ చేయండి..