Ashu Reddy: అందుకే తాగడం మానేశా.. పెళ్లిపై షాకింగ్ కామెంట్స్ చేసిన బిగ్‌బాస్ ఫేమ్ అషూరెడ్డి
టీవీ షోస్ తో పాటు అప్పుడప్పుడు సినిమాల్లోనూ మెరుస్తోంది బిగ్ బాస్ ఫేమ్ అషూరెడ్డి. అలాగే అప్పుడప్పుడు వివాదాస్పద విషయాలతోనూ వార్తల్లో నిలుస్తోందీ అందాల తార. ఈ నేపథ్యంలో తాజాగా ఓ పాడ్ కాస్ట్ కు హాజరైన అషూరెడ్డి తన పర్సనల్ లైఫ్ గురించి పలు ఆసక్తికర విషయాలు పంచుకుంది.
అషూరెడ్డి.. తెలుగు ఆడియెన్స్ కు ఈ అందాల తార గురించి ప్రత్యేకంగా పరిచయం చేయాల్సిన అవసరం లేదు. టిక్‌టాక్ వీడియోలు, ఇన్‌స్టాగ్రామ్ రీల్స్‌తో సోషల్ మీడియాలో గుర్తింపు తెచ్చుకున్న ఈ బ్యూటీ.. జూనియర్ సమంతగా మంచి పాపులారిటీ సంపాదించుకుంది. ఆ తర్వాత బుల్లితెరపై యాంకర్‌గా అడుగుపెట్టింది. యాంకర్ గా తన ట్యాలెంట్ చూపించింది. ఇక వివాదాస్పద దర్శకుడు రామ్ గోపాల్ వర్మతో చేసిన బోల్డ్ ఇంటర్వ్యూతో ఒక్కసారిగా వైరల్ అయిపోయింది అషూ రెడ్డి. ఆపై బిగ్ బాస్ తెలుగు రియాలిటీ షోలో పాల్గొని మరింత క్రేజ్ సంపాదించుకుంది. ఆ మధ్యన కొన్ని తెలుగు సినిమాల్లోనూ కనిపించిన అషూరెడ్డి ప్రస్తుతం బుల్లితెరపై బిజీ బిజీగా ఉంటోంది. అదే సమయంలో వివాదాస్పద విషయాలతో తరచూ వార్తల్లో నిలుస్తోంది. ఆ మధ్యన తనని పెళ్లి చేసుకుంటానని నమ్మించి అషూ రెడ్డి మోసం చేసిందని హైదరాబాద్‌‌‌కు చెందిన ఒక వ్యక్తి పోలీసులకు ఫిర్యాదు చేశాడు. అంతేకాదు తన నుంచి రూ.9.35 కోట్లు కాజేసినట్లు ఫిర్యాదులో పేర్కొన్నాడు. ఇందులో నిజనిజాల సంగతి పక్కన పెడితే తాను జీవితంలో అసలే పెళ్లి చేసుకోనంటుంది అషూరెడ్డి. తాజాగా ఓ పాడ్ కాస్ట్ కు హాజరైన ఆమె తన ప్రొఫెషనల్ అండ్ పర్సనల్ లైఫ్ గురించి పలు ఆసక్తికర విషయాలు పంచుకుంది.
ఈ సందర్భంగా పెళ్లి మీద మీ అభిప్రాయం ఏంటని అడగ్గా.. థూ అని ఉమ్మేసింది అషూరెడ్డి. ‘ప్రేమ, పెళ్లి అనేవి నా మైండ్‌లోనే కాదు మనసులో కూడా లేవు. ఒకవేళ భవిష్యత్తులో ఎప్పుడైనా వస్తే అప్పుడు చూస్తాను’ అని చెప్పుకొచ్చింది అషూరెడ్డి. ఇక డ్రింకింగ్ అలవాటు గురించి మాట్లాడుతూ.. ‘ బ్యాడ్ పీపుల్‌తో ఏదైతే జర్నీ చేశానో అప్పుడు డ్రింకింగ్ అలవాటు ఉండేది. అయితే తాగి నా ఆరోగ్యం పాడుచేసుకోవాలనుకోవట్లేదని కొన్నాళ్లకు నాకు అర్థమైంది. అప్పుడే ఆపేసి రోజూ జిమ్‌కి వెళ్లడం మొదలుపెట్టాను. ఎందుకంటే మన శరీరమే మనకు దేవాలయం. దాన్ని నువ్వు బాగా చూసుకుంటే అది ఎప్పటికైనా నిన్ను కాపాడుతుంది. ఈ ఆలోచన రాకముందు వరకు తాగేదాన్ని’ అని చెప్పుకొచ్చింది. ప్రస్తుతం ఈ బిగ్ బాస్ బ్యూటీ కామెంట్స్ నెట్టింట వైరల్ గా మారాయి.
సుప్రిత పాడ్ కాస్ట్ లో అషూరెడ్డి..
మరిన్ని సినిమా వార్తల కోసం ఇక్కడ క్లిక్ చేయండి.