Anchor Suma: సుమక్క సినిమా కష్టాలు.. ‘జయమ్మ పంచాయితీ’ కోసం తగ్గేదే లే…
బుల్లితెర లేడీ సూపర్‌స్టార్ సుమ.. త్వరలో వెండితెరపై సందడి చేయబోతున్న విషయం తెలిసిందే. ఆమె ప్రధాన పాత్రలో "జయమ్మ పంచాయితీ" అనే సినిమా తెరకెక్కుతోంది.
బుల్లితెర లేడీ సూపర్‌స్టార్ సుమ.. త్వరలో వెండితెరపై సందడి చేయబోతున్న విషయం తెలిసిందే. ఆమె ప్రధాన పాత్రలో “జయమ్మ పంచాయితీ” అనే సినిమా తెరకెక్కుతోంది. ఇటీవల ఈ మూవీకి సంబంధించిన ఫస్ట్ లుక్‌ను టాలీవుడ్ మెగా పవర్ స్టార్ రామ్ చరణ్ తేజ్ రిలీజ్ చేశారు. ఆ లుక్ ఇప్పుడు నెట్టింట తెగ ట్రెండ్ అవుతోంది. సుమ రోలు దంచగానే.. రోలు కూడా బద్దలయ్యేలా ఉన్న మూవీ మోషన్ పోస్టర్‌ బాగా బజ్ క్రియేట్ చేసింది. విజయ్ కుమార్ ఈ సినిమాను తెరకెక్కిస్తుండగా…. బలగా ప్రకాశ్ నిర్మిస్తున్నారు. చాలా ఏళ్ల తర్వాత సుమ ఆచి తూచి ఎంచుకున్న ప్రాజెక్ట్ అవ్వడంతో.. ఇందులో మంచి కంటెంట్ ఉంటుందని జనాలు నమ్ముతున్నారు. కాగా ఈ సినిమా కోసం సుమ తన ఆహార్యంపై కూడా ఫోకస్ పెట్టినట్లు తెలుస్తోంది. అందులో భాగంగా జిమ్‌లో వర్కువుట్స్ చేస్తోంది. అందుకోసం స్పెషల్ ట్రైనర్‌ని నియమించుకుంది. తాజాగా జిమ్‌లో చెమటలు చిందిస్తోన్న ఓ వీడియోను సుమ ఇన్‌స్టాలో షేర్ చేసింది.
‘2వ సెట్ డంబెల్స్ ఎత్తిన తర్వాత నా చేతులు ఎంత పెయిన్‌తో ఉంటాయో వర్ణించలేను.. ఆపమంటాడేమో అని నా ట్రైనర్ రాహుల్ వైపు చూస్తూ ఉంటా.. కానీ అతను మాత్రం ఆ మాట చెప్పడు’ అని సుమ రాసుకొచ్చింది.
ప్రజంట్ సుమక్క జిమ్ వీడియో నెట్టింట వైరల్‌గా మారింది. ఓ వైపు టెలివిజన్ షోలు, మరోవైపు సినిమా ఆడియో పంక్షన్లు, ప్రీ రిలీజ్ ఫంక్షన్లతో క్షణం తీరిగా లేకుండా ఉన్న సుమ.. నటిగా కూడా తన సత్తా చాటబోతుంది.
Also Read: Viral Video: తునాతునకలైన లారీ.. చక్రాలు మాత్రమే మిగిలాయ్.. డ్రైవర్ పరుగో పరుగు