మహేష్ డైరెక్టర్తో అల్లు అర్జున్.. అప్పుడు అలా.. ఇప్పుడు ఇలా.. త్వరలోనే సెట్స్ పైకి..
అల్లు అర్జున్ ప్రస్తుతం సుకుమార్ దర్శకత్వంలో 'పుష్ప' సినిమా చేస్తున్నాడు. ఎర్ర చందనం స్మగ్లింగ్ నేపథ్యంలో తెరకెక్కుతున్న ఈ సినిమాలో
అల్లు అర్జున్ ప్రస్తుతం సుకుమార్ దర్శకత్వంలో ‘పుష్ప’ సినిమా చేస్తున్నాడు. ఎర్ర చందనం స్మగ్లింగ్ నేపథ్యంలో తెరకెక్కుతున్న ఈ సినిమాలో బన్నీ లారీ డ్రైవర్ పుష్పరాజ్ పాత్రలో కనిపించబోతున్నాడు. ఇందులో రష్మిక మందన్నా హీరోయిన్గా నటిస్తోంది. ఈ మూవీ షూటింగ్ ప్రస్తుతం శరవేగంగా జరుగుతుంది. ఈ సినిమాను మైత్రీ మూవీ మేకర్స్ బ్యానర్ పై నవీన్ ఎర్నేని – వై. రవి శంకర్ నిర్మిస్తున్నారు. తెలుగు హిందీ తమిళం మలయాళం కన్నడ భాషల్లో ఆగస్టు 13న ఈ చిత్రాన్ని విడుదల చేయనున్నారు. తాజాగా బన్నీ తదుపరి సినిమా గురించి ఫిల్మ్ ఇండస్ట్రీలో టాక్ వినిపిస్తోంది.
అదెంటంటే.. స్టైలీస్ స్టార్ అల్లు అర్జున్.. పుష్ప సినిమా తర్వాత సక్సెస్ ఫుల్ డైరెక్టర్ అనిల్ రావిపూడి దర్శకత్వంలో ఓ మూవీ చేయబోతున్నట్లుగా టాక్ వినిపిస్తోంది. ఇటీవల అనిల్ రావిపూడి ఓ కథతో అల్లు అర్జున్ను సంప్రదించాడని.. ఆ స్టోరీకి బన్నీ గ్రీన్ సిగ్నల్ ఇచ్చినట్లుగా సమాచారం. అయితే గతంలో బన్నీ.. అనిల్ రావిపూడితో ఓ సినిమా తీయడానికి సిద్ధంగా లేడంటూ వార్తలు వచ్చాయి. తాజాగా మరోసారి వీరిద్దరి కాంబోలో సినిమా రాబోతున్నట్లుగా టాక్ నడుస్తోంది. మరీ ఈసారైనా వీరిద్దరి కాంబోలో మూవీ రాబోతుందా లేదా అనేది చూడాలి. అటు అనిల్ రావిపూడి ప్రస్తుతం ఎఫ్ 2 సిక్వెల్గా తెరకెక్కుతున్న ఎఫ్ 3 సినిమా చిత్రీకరణలో బిజీగా ఉన్నాడు. ఇందులో విక్టరి వెంకటేష్, వరుణ్ తేజ్, తమన్నా, మెహ్రీన్ ప్రధాన పాత్రలో నటిస్తున్నారు. ఈ సినిమా ఆగస్ట్ 27న ప్రేక్షకుల ముందుకు రాబోతుంది. ఇవే కాకుండా అనిల్ రావిపూడి ఎఫ్ 3 సినిమా అనంతరం మహేష్ బాబుతో కలిసి మరో సినిమా చేయబోతున్నట్లుగా తెలుస్తోంది. ఇప్పటికే వీరిద్దరి కాంబోలో వచ్చిన సరిలేరు నీకెవ్వరు మూవీ సూపర్ హిట్గా నిలిచిన సంగతి తెలిసిందే.
Also Read: సెన్సార్ పూర్తిచేసుకున్న పవన్ కళ్యాణ్ ‘వకీల్ సాబ్’.. U/A సర్టిఫికేట్.. కారణం ఎంటంటే..
Ram Pothineni: పవర్ ఫుల్ లుక్లో ఎనర్జిటిక్ హీరో… మొదటి సారి ఆ పాత్రలో నటించనున్న రామ్..