Sasha Chettri: ఎయిర్‏టెల్ బ్యూటీకి లక్కీ ఛాన్స్.. పాన్ ఇండియా స్టార్ హీరో మూవీలో సాషా..

Prabahas

ముందుగా యాడ్స్‏తో పాపులర్ అయ్యి ఆ తర్వాత సినీరంగ ప్రవేశం చేసిన తారలు ఎందరో ఉన్నారు. హీరోయిన్ యామిని గౌతమ్ నుంచి కృతి శెట్టి వరకు ముందుగా యాడ్స్ చేసి.. ఆ తర్వాత వెండితెరపై కనిపించినవాళ్లే. తాజాగా మరో యాడ్ బ్యూటీ వెండితెరపై కనిపించబోతుంది. అదేనండీ.. ఆమద్య ఎయిర్‏టెల్ యాడ్‏తో పాపులర్ అయిన అమ్మాయి గుర్తుందా. ఎయిర్‏టెల్ బ్రాండ్ అంబాసిడర్ సాషా. ఆ ఆమ్మాయి పేరు కంటే ఎక్కువగా ఎయిర్ టెల్ పొట్టి జుట్టు అమ్మాయి అంటే ఠక్కున గుర్తొస్తుంది. సుదీర్ఘకాలం పాటు బ్రాండ్ అంబాసిడర్‏గా వ్యవహరించడంతో.. ఇండియాలోని అన్ని భాషల ప్రేక్షకులకు దగ్గరైంది. తాజాగా ఈ బ్యూటీ లక్కీ ఛాన్స్ అందుకుంది.

పాన్ ఇండియా స్టార్ ప్రభాస్ హీరోగా నటిస్తోన్న రాధే శ్యామ్ సినిమాలో సాషా కీలక పాత్రలో నటిస్తోంది. ఇప్పటికే షూటింగ్ పూర్తి చేసుకున్న ఈ మూవీలో రోల్ మిస్టీరియస్ ఎలిమెంట్స్‌తో కథకి ఇంటర్‌లింక్ అయ్యి ఉంటుందని తెలుస్తోంది. అయితే సాషాకు ఇది మొదటి సినిమా మాత్రం కాదు.. గతంలో ఆది సాయికుమార్ హీరోగా నటించిన ఆపరేషన్ గోల్డ్ ఫిష్ సినిమాలో హీరోయిన్ గా సాషా నటించింది. ఆ సినిమా బాక్సాఫీస్ దగ్గర దారుణంగా ప్లాప్ అయ్యింది. ఇక ఆ తర్వాత సాషాకు అంతగా ఆఫర్లు రాలేదు. చాలా కాలం తర్వాత ఏకంగా పాన్ ఇండియా స్టార్ సినిమాలో.. అది ప్రభాస్‏తో స్క్రీన్ షేర్ చేసుకునే ఛాన్స్ అందుకుంది. ఈ సినిమాతో అయినా సాషాకు మంచి గుర్తింపు వస్తుందో లేదో చూడాలి. పూజా హెగ్డే హీరోయిన్ గా నటిస్తున్న ఈ సినిమా జనవరి 14న ప్రేక్షకుల ముందుకు రాబోతుంది.

Also Read:

Raashi Khanna: చేతినిండా సినిమాలతో ఫుల్ బిజీగా మారిపోయిన బాబ్లీ బ్యూటీ రాశి..

Priyanka Chopra : బాయ్ ఫ్రెండ్‌‌‌‌ని రూమ్‌‌‌‌‌లో దాచిపెట్టి దొరికిపోయిన ప్రియాంక చోప్రా.. షాకింగ్ విషయం చెప్పిన హీరోయిన్

Rakshasudu 2: ఈసారి లండన్‌లో రాక్షసుడి ఆకృత్యాలు.. సీక్వెల్‌ సినిమాకు ఎంత ఖర్చు చేయనున్నారో తెలిస్తే షాక్‌ అవ్వాల్సిందే.