Sakshi Vaidya: ఏజెంట్ బ్యూటీకీ మరో ఆఫర్.. ఏకంగా ఆ స్టార్ హీరో సినిమాలో ఛాన్స్..
ఇప్పుడు ఈ సినిమా షూటింగ్ శరవేగంగా జరుగుతుంది. అయితే ఈ సినిమా రిలీజ్ కాకముందే ఈ బ్యూటీకి మరో లక్కీ ఛాన్స్ వచ్చినట్లుగా టాక్ వినిపిస్తోంది.
తెలుగు చిత్రపరిశ్రమలో ప్రస్తుతం నవతరం నాయికల జోరు నడుస్తోంది. మొదటి సినిమాతోనే బ్లాక్ బస్టర్ హిట్స్ అందుకుని వరుస ఆఫర్లు అందుకుంటూ దూసుకుపోతున్నారు. మరోవైపు అందం, ప్రతిభ ఉన్నప్పటికీ పలువురు ముద్దుగుమ్మలకు అవకాశాలు రావడంలేదనే చెప్పుకొవాలి. ఇండస్ట్రీలో ఓవైపు హీరోయిన్స్ కొరత ఉన్నప్పటికీ.. అవకాశాలకు ఆమడ దూరంలో ఉన్న హీరోయిన్స్ చాలా మంది ఉన్నారు. అందులో సాక్షి వైద్య ఒకరు. అక్కినేని అఖిల్ ప్రస్తుతం నటిస్తోన్న ఏజెంట్ సినిమాతో వెండితెరకు పరిచయం కాబోతుంది సాక్షి వైద్య. ఇప్పుడు ఈ సినిమా షూటింగ్ శరవేగంగా జరుగుతుంది. అయితే ఈ సినిమా రిలీజ్ కాకముందే ఈ బ్యూటీకి మరో లక్కీ ఛాన్స్ వచ్చినట్లుగా టాక్ వినిపిస్తోంది.
ఎనర్జిటిక్ స్టార్ రామ్.. మాస్ డైరెక్టర్ బోయపాటి శ్రీను కాంబోలో ఓ మూవీ రాబోతున్న సంగతి తెలిసిందే. ప్రస్తుతం ఈ మూవీ ప్రీ ప్రొడక్షన్ పనులు జరుపుకుంటుంది. అయితే లేటేస్ట్ సమాచారం ప్రకారం ఇందులో సాక్షి వైద్యను హీరోయిన్ గా తీసుకున్నారట. ఈ విషయాన్ని త్వరలోనే అధికారికంగా ప్రకటించనున్నారట. అలాగే ఈ మూవీ అక్టోబర్ 6 నుంచి రెగ్యులర్ షూటింగ్ ప్రారంభం కాబోతున్నాడని.. అంతేకాకుండా ఈ సినిమాను పాన్ ఇండియా లెవల్లో తెరకెక్కించనున్నారట. అలాగే మ్యూజిక్ డైరెక్టర్ తమన్ సంగీతం అందిస్తున్నారు.
ఇటీవలే రామ్.. ది వారియర్ చిత్రంలో ప్రేక్షకుల ముందుకు వచ్చారు. డైరెక్టర్ లింగు స్వామి తెరకెక్కించిన ఈ సినిమాలో కృతి శెట్టి కథానాయికగా నటించింది. మొదటి సారి ఈ మూవీలో పోలీస్ ఆఫీసర్ పాత్రలో కనిపించారు రామ్. ఎన్నో అంచనాల మధ్య తెరకెక్కిన ఈ సినిమా ఆశించినంత స్తాయిలో ఆకట్టుకోలేదు.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.