Tollywood: ‘ఆ ఒక్క సినిమాలో చేసిన పాత్ర వల్లే సినిమాలకు దూరమయ్యా..’

టాలీవుడ్ నటి రాశి తన వృత్తి పట్ల అంకితభావాన్ని, అభిమానులతో తనకున్న అనుబంధంపై ఇటీవల ఇంటర్వ్యూలో కీలక విషయాలను పంచుకున్నారు. తన దృష్టిలో మేకప్ వేసుకున్న తర్వాత కెమెరా ముందు నిలబడినప్పుడు రాశి అనే వ్యక్తి కనపడకూడదు. కేవలం తాను పోషించే పాత్ర మాత్రమే కనిపించాలని ఆమె పేర్కొన్నారు. ఇది తన వృత్తికి తాను ఇచ్చే గౌరవమని, కళామతల్లిని పూజించడమే కళాకారులందరి లక్ష్యమని ఆమె తెలిపారు. తాను విలన్ పాత్ర పోషించినప్పుడు.. ఒక 40 ఏళ్ల అభిమానికి జ్వరం వచ్చిందని, ఇది తనకు ఆ తర్వాత తెలిసిందని ఆమె అన్నారు. తన వల్ల ఎవరైనా నవ్వాలి, సంతోషంగా ఉండాలి తప్ప, తన పాత్ర కారణంగా ఒక వ్యక్తి జ్వరంతో బాధపడటం తనను ఎంతగానో కలచివేసిందని రాశి వివరించారు. ఈ సంఘటన తర్వాత, విలన్ పాత్రలతో పాటు సినిమాల నుంచి పక్కకు తప్పుకోవాలని తాను నిర్ణయించుకున్నానని తెలిపింది.

తనను కలవాలని ఆశించిన ఇద్దరు మహిళా అభిమానులతో జరిగిన మీటింగ్ గురించి ఆమె పంచుకున్నారు. డైరెక్షన్ డిపార్ట్‌మెంట్‌లోని ఒక స్నేహితుడు ఈ విషయాన్ని తనకు చెప్పాడని, తాను లంచ్‌కి వెళుతున్న ఒక చిన్న ఫంక్షన్‌కి వారిని రమ్మని చెప్పానని రాశి తెలిపారు. ఆ అభిమానులు కారులో రాగా, వారిలో 50 ఏళ్లు పైబడిన ఒక వృద్ధురాలు తనను చూడగానే వణికిపోయి, కన్నీళ్లు పెట్టుకుందని ఆమె వివరించారు. ఆ అభిమాని ‘స్నేహితులు’ సినిమా నుంచి తనను చూడాలని ఎదురుచూస్తున్న చెన్నైకి చెందిన గైనకాలజిస్ట్ అని రాశి అన్నారు. తన పట్ల అభిమానులకున్న ఈ ప్రేమను చూసి తాను కంగారుపడ్డానని, వారిని కూర్చోబెట్టి మంచి నీళ్లు ఇచ్చానని ఆమె తెలిపారు. ఆ అభిమాని ఆనందంతో ఫోటో తీయడానికి తెచ్చిన ఫోన్ సైతం వణుకుతూ పట్టుకుందని ఆమె పేర్కొన్నారు. ఆ అభిమాని ఒక శారీని బహుమతిగా తెచ్చారని, అభిమానులకు వృత్తి అడ్డు రాదని, వారి భావోద్వేగాలు నిజమైనవని ఈ ఘటనలు నిరూపించాయని రాశి అన్నారు.

ఇది చదవండి: 

అప్పుడు పెయింటింగ్ వేసేవాడు.. ఇప్పుడు విలన్‌గా లక్షల్లో రెమ్యునరేషన్.. ఈ నటుడు ఎవరంటే.?

అందంలో శ్రీదేవికే పోటీ.. ఎక్స్‌పోజింగ్ అక్కర్లేదని చెప్పింది.. ఎవ్వరికీ తెలియని నిజాలు

మరిన్ని ఎంటర్టైన్మెంట్ వార్తల కోసం ఇక్కడ చూడండి..