HIT 3 Movie Collections: హిట్ 3 బాక్సాఫీస్ సంచలనం.. ఆ రికార్డుకు చేరువలో నాని.. మూడు రోజుల్లో ఎంత వచ్చాయంటే..

Hit 3 Movie

ప్రస్తుతం తెలుగు రాష్ట్రాల్లోని థియేటర్లలో కలెక్షన్స్ సునామీ సృష్టిస్తున్న సినిమా హిట్ 3. న్యాచురల్ స్టార్ నాని, డైరెక్టర్ శైలేష్ కొలను కాంబోలో వచ్చిన ఈసినిమాకు ఊహించని రెస్పాన్స్ వస్తుంది. యాక్షన్ క్రైమ్ థ్రిల్లర్ డ్రామాగా వచ్చిన ఈ చిత్రంలో నాని సరసన శ్రీనిధి శెట్టి కథానాయికగా నటించింది. టీజర్, ట్రైలర్ తోనే సినిమాపై భారీ అంచనాలు వచ్చిన సంగతి తెలిసిందే. ఇక ఇప్పుడు భారీ వసూళ్లతో సత్తా చాటుతుంది. మూడు రోజుల్లోనే భారీ కలెక్షన్స్ రాబట్టి రికార్డ్స్ క్రియేట్ చేసిన ఈ సినిమా ఇప్పుడు వీకెండ్ లోనూ మరో సెన్సేషన్ క్రియేట్ చేయనున్నట్లు తెలుస్తోంది. మొదటి రోజే భారీ ఓపెనింగ్స్ రాబట్టిన ఈ సినిమా ఆ తర్వాత రెండో రోజు సైతం దూసుకుపోయింది. తాజాగా మూడు రోజుల వసూళ్లను అధికారికంగా ప్రకటించారు మేకర్స్. హిట్ సినిమాకు సంబంధించిన కొత్త పోస్టర్ షేర్ చేస్తూ లెక్కలు చెప్పారు మేకర్స్.

ఈ సినిమా మూడు రోజుల్లోనే ప్రపంచవ్యాప్తంగా రూ.82 కోట్లు గ్రాస్ కలెక్షన్స్ రాబట్టింది. మొదటి రోజు రూ.43 కోట్లు.. రెండో రోజు రూ.19 కోట్లు రాబట్టగా.. మూడో రోజు రూ.20 కోట్లు వసూలు చేసింది. ఇక ఈరోజు ఆదివారం కావడంతో హిట్ 3 కలెక్షన్స్ మరింత పెరగనున్నట్లు తెలుస్తోంది. గత రెండు రోజులుగా ఈ సినిమాకు అడియన్స్ తాకిడి పెరిగినట్లుగా తెలుస్తోంది. దీంతో ఇప్పుడు సోమవారం నాటికి ఈ సినిమా రూ.100 కోట్ల క్లబ్ లో చేరడం ఖాయంగా కనిపిస్తుంది.

మొన్నటి వరకు పక్కింటి అబ్బాయిగా ఫ్యామిలీ డ్రామా చిత్రాలతో అలరించిన నాని.. మొదటిసారి మోస్ట్ వయెలెన్స్ హీరోగా రఫ్పాడించారు. అర్జున్ సర్కార్ లాంటి వైవిధ్యమైన పాత్రలో అద్భుతమైన నటనతో ఆకట్టుకున్నారు. ఈ సినిమాకు అంచనాలకు మించి రెస్పాన్స్ వస్తుంది. గతంలో వచ్చిన హిట్ , హిట్ 2 చిత్రాలు భారీ విజయాన్ని అందుకున్న సంగతి తెలిసిందే.

ఇవి కూడా చదవండి :  

Mirchi Movie: ఈ హీరోయిన్ ఇంత మారిపోయిందేంటి ?.. మిర్చి మూవీ బ్యూటీ ఫ్యామిలీని చూశారా.. ?

Tollywood: సినిమాలు వదిలేసి వాచ్‏మెన్‏గా మారిన నటుడు.. ఒకప్పుడు స్టార్ హీరోల సినిమాల్లో తోపు యాక్టర్..

Tollywood: సీనియర్ హీరోలతో నటించేందుకు నాకు ఎలాంటి సమస్య లేదు.. హీరోయిన్ ఓపెన్ కామెంట్స్..

Tollywood: ఒకప్పుడు తినడానికి తిండి లేక నీళ్లు తాగి బతికింది.. ఇప్పుడు ఇండస్ట్రీనే షేక్ చేస్తోన్న హీరోయిన్..