హీరో నితిన్ పెళ్లి అప్పుడేన‌ట..!
టాలీవుడ్ యంగ్ హీరో నితిన్ పెళ్లికి క‌రోనా లాక్ డౌన్ అడ్డొచ్చిన సంగ‌తి తెలిసిందే. ఏప్రిల్ 15న హైదరాబాద్లోని తన నివాసంలో షాలినితో ఇతడికి ఎంగేజ్మెంట్ జ‌రిగింది.
టాలీవుడ్ యంగ్ హీరో నితిన్ పెళ్లికి క‌రోనా లాక్ డౌన్ అడ్డొచ్చిన సంగ‌తి తెలిసిందే. ఏప్రిల్ 15న హైదరాబాద్లోని తన నివాసంలో షాలినితో ఇతడికి ఎంగేజ్మెంట్ జ‌రిగింది. అయితే, కరోనావైర‌స్ నుంచి కాస్త రిలీఫ్ వ‌స్తే వీరు వివాహ బంధంలోకి అడుగుపెట్టాల‌నుకున్నారు. కానీ ఈ మ‌హ‌మ్మారి క‌రోనాకి ఒక ఎండ్ అంటూ లేకుండా పోయింది. ప్ర‌భావంత‌మైన వ్యాక్సిన్ లేదా మెడిసిన్ ఎప్పుడో వ‌స్తుందో తెలియ‌డం లేదు. ఈ నేప‌థ్యంలో మిగిలిన టాలీవుడ్ జంట‌ల పెళ్లిళ్ల మాదిరిగానే వీరు కూడా సింపుల్ గా మ్యారేజ్ చేసుకోవాలిని ఫిక్స్ అయ్యార‌ట.
జులైలో ప్రైవేటుగా ఏర్పాటు చేయనున్న వేడుకలో వీరిద్దరూ ఒక్కటవ్వనున్నారని తెలుస్తుంది. అతి కొద్ది స‌న్నిహితుల సభ్యుల సమక్షంలో వివాహం చేసుకోనున్నార‌ని సమాచారం. కాగా ప్రస్తుతం నితిన్ నాలుగు సినిమాలతో య‌మ బిజీగా ఉన్నాడు. ‘రంగ్‌దే’తో పాటు ‘అంధాధున్‌’ రీమేక్‌ను ట్రాక్ పైకి తీసుకొచ్చాడు. మేర్లపాక గాంధీ తెరకెక్కిస్తున్న ఈ మూవీలో నితిన్ అంధుడిగా కనిపించబోతున్నాడు. అలాగే చంద్ర శేఖర్‌ ఏలేటితో ఓ మూవీకి గ్రీన్ సిగ్న‌ల్ ఇచ్చాడు. కృష్ణ చైతన్య దర్శకత్వంలో ‘పవర్‌ పేట’ అనే సినిమాని కూడా సైన్ చేశాడు.