Rasik Dave: కిడ్నీ ఫెయిల్యూర్‏తో ప్రముఖ నటుడి మృతి.. విషాదంలో ఇండస్ట్రీ..

Rasik Dave

సినీ పరిశ్రమను వరుస విషాదాలు వెంటాడుతున్నాయి. శుక్రవారం మలయాళీ యంగ్ హీరో శరత్ చంద్రన్ హఠాన్మారణంతో ఇండస్ట్రీ ఒక్కసారిగా ఉలిక్కిపడింది. ఇప్పుడిప్పుడే కథానాయికుడిగా గుర్తింపు తెచ్చుకుంటున్న శరత్ చంద్రన్ అనుహ్యంగా కన్నుమూయడంతో చెందండంతో అతడి మృతికి సినీ ప్రముఖులు సంతాపం వ్యక్తం చేశారు. ఓవైపు శరత్ చంద్రన్ మరణవార్త మరువక ముందే మరో ఫేమస్ యాక్టర్ రసిక్ దవే మృతి చెందారు. బాలీవుడు నటుడు రసిక్ దవే శుక్రవారం కిడ్వీ ఫెయిల్యూర్ తో కన్నుముశారు. 65 ఏళ్ల రసిక్ దవే..గత నాలుగేళ్లుగా కిడ్నీ ఫెయిల్యూర్ సమస్యతో ఇబ్బందిపడుతున్నారు. అలాగే బలహీనత, రక్తపోటు, మూత్రపిండాల సమస్యలతో ఇబ్బందిపడుతున్న రసిక్ దవే శుక్రవారం సాయంత్రం తుదిశ్వాస విడిచినట్లు ఆయన కుటుంబసభ్యులు తెలిపారు.

రసిక్ అనేక గుజరాతీ, హిందీ సీరియల్స్, సినిమాలలో నటించారు. 1980లో ప్రసారమైన మహాభారతం సీరియల్ ద్వారా గుర్తింపు తెచ్చుకున్నాడు. 2006లో నాచ్ బలియే 2లో రాసిక్, కేత్కి పాల్గొన్నారు. గత నాలుగేళ్లుగా కిడ్నీ సమస్యలతో బాధపడుతున్న రసిక్ ఇటీవలే డయాలసిస్ చేయించుకున్నారు. ఈ క్రమంలోనే దాదాపు 15 నుంచి 20 రోజుల వరకు ఆసుపత్రిలో చికిత్స తీసుకున్న రసిక్.. గురువారం డిశ్చార్జ్ అయ్యారు. ఆ మరునాడే ఆరోగ్యం మరింత క్షీణించడంతో శుక్రవారం సాయంత్రం తన నివాసంలో తుదిశ్వాస విడిచారు. ఆయనకు భార్య కేత్కి, కూతురు రిద్ధి దేవ్‌, ఓ కుమారుడు ఉన్నారు. రసిక్ మృతి పట్ల సినీ ప్రముఖులు సంతాపం తెలియజేస్తున్నారు.

మరిన్ని ఎంటర్టైన్మెంట్ వార్తల కోసం క్లిక్ చేయండి.