Bigg Boss 6 Telugu: గీతూ దెబ్బకు హౌస్మేట్స్ విలవిల.. ఆటతీరుతో అందరిని ముప్పుతిప్పలు.. ఓడించేందుకు అంతా ఒక్కటయ్యారు..
ఆ తర్వాత శ్రీసత్య, అభినయ శ్రీ సైతం ఓడిపోయారు. అయితే గీతూ ఎవరి బొమ్మ ఎప్పుడూ దొంగిలిస్తుందో అర్థం కాక తలలు పట్టుకున్నారు. ఆమెను ఎలాగైనా ఓడించాలని హౌస్ అంతా ఒక్కటయ్యారు.
గీతూ గలాట.. మొదటి రోజు నుంచి బిగ్బాస్ (Bigg Boss ) ఇంట్లో ఎక్కువగా వినిపిస్తున్న పేరు. తన మాటలు.. ఆట తీరుతో ఇంటి సభ్యులకు చుక్కలు చూపిస్తుంది. రెండు వారాల నుంచి అత్యధిక నామినేషన్స్ పడిన కంటెస్టెంట్ కూడా గీతూనే. ఆ తర్వాత ఎక్కువగా నామినేషన్స్ పడింది సింగర్ రేవంత్. ఇక ఇప్పుడు హౌస్ కెప్టెన్సీ కంటెండర్ టాస్క్ నడుస్తోంది. ఇందులో భాగంగా సిసింద్రీ అనే టాస్క్ ఇచ్చారు బిగ్ బాస్. ఇందులో ప్రతి ఒక్కరికి ఒక బొమ్మను ఇచ్చి.. వాటిని తమ కన్న బిడ్డలుగా చూసుకుంటూ అన్ని అవసరాలు తీరుస్తూ వాటిని కాపాడుకోవాలి. ఎవరైనా ఆ బొమ్మను వదిలేసినా…పరధ్యానంగా ఉన్నా.. వేరేవాళ్లు ఆ బొమ్మను లాస్ట్ అండ్ ఫౌండ్ దగ్గర వేయ్యోచ్చు.. దీంతో ఆ బొమ్మ వాళ్లు టాస్క్ నుంచి డిస్కాలిఫై అయిపోతారు. అయితే మొదటి రౌండ్లో కెప్టెన్సీ పోటీదారుడిగా చంటీ గెలిచాడు. ఇక ఆ తర్వాత తన గేమ్ ప్లాన్తో రేవంత్ బొమ్మను దొంగిలించి లాస్ట్ అండ్ పౌండ్ ఏరియాలో వేసింది గీతూ. దీంతో రేవంత్ గేమ్ నుంచి డిస్కౌలిఫై అయ్యాడు. ఆ తర్వాత శ్రీసత్య, అభినయ శ్రీ సైతం ఓడిపోయారు. అయితే గీతూ ఎవరి బొమ్మ ఎప్పుడూ దొంగిలిస్తుందో అర్థం కాక తలలు పట్టుకున్నారు. ఆమెను ఎలాగైనా ఓడించాలని హౌస్ అంతా ఒక్కటయ్యారు.
ఇక గీతూ బొమ్మను దొంగిలించేందుకు ఇంటిసభ్యులంతా ఒకటయ్యారు. అందరూ రాత్రంతా మేల్కోని ఆమె బొమ్మను దొంగిలించేందుకు ప్రయత్నించారు. కానీ బొమ్మ ఎక్కడుందనే విషయం కనిపెట్టలేకపోయారు. దీంతో గీతూ గేమ్ ఛేంజర్ అంటూ పొగడ్తలతో ముంచేత్తారు. బాలాదిత్య బొమ్మను సైతం వేసింది గీతూ. ఆమె గేమ్ ప్లాన్ అర్థం కాక తలలు పట్టుకుంటున్నారు. ఇక గీతూ ఆటకు సింగర్ రేవంత్ ఎమోషనల్ అయిన సంగతి తెలిసిందే. తాజాగా విడుదలైన ప్రోమోలో.. అర్జున్ కళ్యాణ్ బొమ్మను శ్రీహాన్ దొంగిలించి లాస్ట్ అండ్ పౌండ్ లో వేయగా.. గీతూ ఏకంగా శ్రీహాన్ బొమ్మను దొంగిలించింది. మొత్తానికి గీతూ తన ఆట తీరుతో ఇంటి సభ్యులను ముప్పుతిప్పలు పెడుతుంది.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.